Biûyûûyû bia athînjîri ba Ngai
6
1 Rawi aarî na Aana bathatû:Ngerisoni, Koathi na Merari.
2 Koathi aarî na Aana bana:
Amuramu, Isaarî, Eburoni na Usieri.
3 Amuramu aarî na nthaka ciîrî,
Arûni na Musa, na mwarî ûmwe eetagwa Miriamu.
Arûni aarî na Aana bana:
Nandabu, Abiu, Eriasari na Ithamarû.
4 Eriasari aarî îthe wa Finiasi,
Finiasi aarî îthe wa Abisua,
5 Abisua aarî îthe wa Buki,
Buki aarî îthe wa Usi,
6 Usi aarî îthe wa Seraya,
Seraya aarî îthe wa Merayothi,
7 Merayothi aarî îthe wa Amaria,
Amaria, aarî îthe wa Aitubu,
8 Aitubu aarî îthe wa Sandoki,
Sandoki aarî îthe wa Aimaasi,
9 Aimaasi aarî îthe wa Asaria,
Asaria aarî îthe wa Njoanani,
10 na Njoanani aarî îthe wa Asaria. (Asaria n'we aarutaga ngûgî ya ûthînjîri Nyomba ya Ngai îra yaakirwe i mûnene Soromoni naagu Njerusaremu).
11 Asaria aarî îthe wa Amaria,
Amaria, aarî îthe wa Aitubu,
12 Aitubu aarî îthe wa Sandoki,
Sandoki aarî îthe wa Sarumu,
13 Sarumu, aarî îthe wa Irikia,
Irikia aarî îthe wa Asaria,
14 Asaria aarî îthe wa Seraya,
Seraya aarî îthe wa Njeosandaki. 15 Njeosandaki, aagwatwa mûgwate kagiita kara Mwathani airîîte antû ba Njunda na ba Njerusaremu ûkombooni agîtûmagîra mûnene Nebukandinesa.
Nciarwa iingî cia Rawi
16 Rawi aarî na aana bathatû:
Ngerisomu aagîa na
Ribuni na Simei.
18 Koathi aagîa na
Amuramu, Isaarî, Eburoni na Usieri;
19 N'we Merari aagîa na
Maari na Musi.
Ino i nciarwa cia Rawi kûringana na mîciî yao.
20 Ino i cio nciarwa cia Ngerisomu kuuma nthuke îmwe kûthi nthuke îra îîngî:
Ngerisomu aarî îthe wa Ribuni,
Ribuni aarî îthe wa Njaathi,
Njaathi aarî îthe wa Sima,
21 Sima aarî îthe wa Njoa,
Njoa aarî îthe wa Indo,
Indo aarî îthe wa Sera,
Sera aarî îthe wa Njeatherai.
22 Ino i cio nciarwa cia Koathi kuuma nthuke îmwe kûthi nthuke îra îîngî:
Koathi aarî îthe wa Aminandabu,
Aminandabu aarî îthe wa Kora,
Kora aarî îthe wa Asiri,
23 Asiri aarî îthe wa Erikana,
Erikana aarî îthe wa Ebiasabu,
Ebiasabu aarî îthe wa Asiri,
24 Asiri aarî îthe wa Taathi,
Taathi aarî îthe wa Urieri,
Urieri aarî îthe wa Usia,
Usia aarî îthe wa Saûrû.
25 Aana ba Erikana baarî baîrî:
Amasai na Aimothi.
26 Na ino i cio nciarwa cia Aimothi kuuma nthuke îmwe kûthi îra îîngî:
Aimothi aarî îthe wa Erikana,
Erikana aarî îthe wa Sofai,
Sofai aarî îthe wa Naathi,
27 Naathi aarî îthe wa Eriabu,
Eriabu aarî îthe wa Njeroamu,
Njeroamu aarî îthe wa Erikana.
28 Aana ba Samweri baarî baîrî:
Njoeri, kîîmbere gîake,
na Abiya, arî wa baîrî.
29 Na ino i cio nciarwa cia Merari kuuma nthuke îmwe kûthi nthuke îra îîngî:
Merari aarî îthe wa Maari,
Maari aarî îthe wa Ribuni,
Ribuni aarî îthe wa Simei.
Simei aarî îthe wa Usa,
30 Usa aarî îthe wa Simea,
Simea aarî îthe wa Agia,
Agia aarî îthe wa Asaya.
Aini Nyomba ya Ngai
31 Baba i bo antû bara mûnene Ndaundi aigîîte ba kûruta ngûgî ya kwina ndeeni ya Nyomba ya Mwathani, nyuma ya Îthandûkû rîa Maathana ma Kîrîîkanîro kûthûûngîrua ndeeni. 32 Baarutaga ngûgî yao ya kwina mbere ya Îrema rîa Kûrîîkanaga mwanka kagiita kara mûnene Soromoni aakire Nyomba ya Mwathani agu Njerusaremu. Baarutaga ngûgî ciao bwega, bakîthiingataga mûbango.
33 Îno i mîciî ya bara baarutaga ngûgî inu.
Kuuma mûciî wa Koathi
kwarî na Emani, mûtongoria wa gîkundi kîa mbere kîa aini, aarî mwana wa Njoeri. Mûciî wake ûkîthiingatua kîrî antû ba Isiraeri ûkari ûûgû:
Emani, mwana wa Njoeri,
mwana wa Samweri,
34 mwana wa Erikana,
mwana wa Njeroamu,
mwana wa Erieri,
mwana wa Toa,
35 mwana wa Subu,
mwana wa Erikana,
mwana wa Maathi,
mwana wa Amasai,
36 mwana wa Erikana,
mwana wa Njoeri,
mwana wa Asaria,
mwana wa Sefania,
37 mwana wa Taathi,
mwana wa Asiri,
mwana wa Ebiasabu,
mwana wa Kora,
38 mwana wa Isaarî,
mwana wa Koathi,
mwana wa Rawi,
mwana wa Isiraeri.
39 Asabu, aarî muntû wa mûciî wa ba Emani na n'we aamûteethagîîria ngûgîîni. Mûciî wao ûkîthiingatua kîrî antû ba Isiraeri ûkari ûûgû:
Asabu, mwana wa Mberekia,
mwana wa Simea,
40 mwana wa Mikaeri,
mwana wa Baaseya,
mwana wa Marikiya,
41 mwana wa Ethini,
mwana wa Sera,
mwana wa Andaya,
42 mwana wa Ethani,
mwana wa Sima,
mwana wa Simei,
43 mwana wa Njaathi,
mwana wa Ngerisomu,
mwana wa Rawi.
44 Ethani wa mûciî wa Merari, aarî mûteetheeria ûngî wa Emani. Mûciî wake kuumania na Rawi ûkari ûûgû:
Ethani mwana wa Kisi,
mwana wa Abundi,
mwana wa Maruku,
45 mwana wa Asabia,
mwana wa Amasia,
mwana wa Irikia,
46 mwana wa Amusi,
mwana wa Bani,
mwana wa Semeri,
47 mwana wa Maari,
mwana wa Musi,
mwana wa Merari,
mwana wa Rawi.
48 Arawi bara bangî baaneenkeerwe ngûgî ya gûtûmîka îremaani rîîtheru rîa Nyomba ya Ngai.
Nciarwa cia Arûni
49 Arûni na nciarwa ciake i bo baarutaga igongwana îgûrû rîa kîthînjîro gîa kîgongwana gîa kûbîîthua na kinya îgûrû rîa kîthînjîro gîa kûbîîthîria macoco. Baarutaga ngûgî cionthe ciîgîi Bantû Ara Atheru Mûno kaingo batheria antû ba Isiraeri. Mama monthe baarûthaga kûringana na mataaro mara Musa mûruti ngûgî wa Ngai eeyanîîte.
50 Ino i cio nciarwa cia Arûni:
Arûni aarî îthe wa Eriasari,
Eriasari aarî îthe wa Finiasi,
Finiasi aarî îthe wa Abisua,
51 Abisua aarî îthe wa Buki,
Buki aarî îthe wa Usi,
Usi aarî îthe wa Seraya,
52 Seraya aarî îthe wa Merayothi,
Merayothi aarî îthe wa Amaria,
Amaria, aarî îthe wa Aitubu,
53 Aitubu aarî îthe wa Sandoki,
Sandoki aarî îthe wa Aimaasi.
54 Mama i maandîko mara makwonania ikaro na mîanka ya nciarwa cia Arûni wa mwîrîga wa Koathi n'ûntû i bo baagwîrîîrwe i kuura ya mbere.
55 Antû babu baaneenkeerwe taûni cia Eburoni ndeeni ya nthîgûrû ya Njunda na gûntû gwa kûrîîthia kûra kwarî nteere ciayo. 56 Îndî mînda na ntûûra ira ciathiûrûkîrîîte taûni cianenkerwa Karebu mwana wa Njebune. 57 Nciarwa cia Arûni baaneenkeerwe taûni ino cia kwîbitha: Eburoni, Ribuna amwe na gûntû gwa cio wa kûrîîthia, Njatiri na Esitemoa, amwe na gûntû gwa cio gwa kûrîîthia, 58 Ireni na Ndebiri amwe na gûntû gwa cio gwa kûrîîthia, 59 Asani, Njuta na Bethi-Semesi amwe na gûntû gwa cio gwa kûrîîthia. 60 Ndeeni ya nthîgûrû ya mwîrîga wa Benjameni baaneenkeerwe taûni cia Ngeba, Aremethi na Anathothi amwe na gûntû gwa kûrîîthia wa taûni inu. Taûni cionthe ira baaneenkeerwe kûringana na mîîrîga yao, ciarî îkûmi na ithatû.
61 Antû bara baatigeere ba mûciî wa Koathi, baanenkeerwe taûni îkûmi kuuma kîrî nucu ya mwîrîga wa Manase na njîra ya kûringa kuura kûringana na mîciî yao.
62 Mûciî wa Ngerisomu, kûringana na mîciî yao wapeerwe taûni îkûmi na ithatû kuuma kîrî mwîrîga wa Isakaari, wa Aseri na kuuma kîrî mwîrîga wa Nabutarî na kuuma kîrî gîcuncî kîa mwîrîga wa Manase ndeeni ya Mbasani. 63 Nwa ta bu, taûni îkûmi na ciîrî kuuma kîrî mwîrîga wa Rubeni, na kuuma kîrî mwîrîga wa Ngandi na kuuma kîrî mwîrîga wa Seburuni cianeenkanîîrwe kîrî mûciî wa Merari kûringana na mîciî yao. 64 Kwoogu, antû ba Isiraeri i baaneenkeere Arawi taûni inu amwe na gûntû gwa cio gwa kûrîîthia kaingo batûûra ku. 65 Taûni ira igweteetwe mariîtwa maacio agu îgûrû ndeeni ya mîîrîga ya Njunda, Simioni na Benjameni ciagaîrîîrwe mwîrîga wa Rawi gîîkuura.
66 Mîîrîga îmwe ya Akoathi yaapeerwe taûni ino kuuma mwîrîgaani wa Eburaimu:
67 Sekemu, taûni ya kwîbitha amwe na gûntû kwayo wa kûrîîthia ndeeni ya nthîgûrû ya irîma ya Eburaimu, Ngeseri amwe na gûntû kwayo gwa kûrîîthia, 68 Njokimeamu amwe na gûntû kwayo wa kûrîîthia, Bethi-Oroni amwe na gûntû kwayo gwa kûrîîthia; 69 Aiyaroni, amwe na gûntû kwayo wa kûrîîthia, na Ngathi-Rimoni amwe na gûntû kwayo gwa kûrîîthia. 70 Kuuma kîrî nucu ya mwîrîga wa Manase baaneenkeerwe taûni cia Aneri amwe na gûntû kwayo gwa kûrîîthia, na Mbireamu amwe na gûntû kwayo gwa kûrîîthia. Inu i cio taûni ira cianeenkeerwe mîciî ya rûrîîyo rwa Koathi.
71 Mîciî ya rûrîîyo rwa Ngerisomu yaaneenkeerwe taûni ino amwe gûntû kwayo gwa kûrîîthia: kuuma kîrî nucu ya mwîrîga wa Manase baaneenkeerwe: Ngorani ndeeni ya Mbasani amwe na gûntû kwayo gwa kûrîîthia, Asitarothi amwe na gûntû kwayo gwa kûrîîthia. 72 Kuuma kîrî mwîrîga wa Isakaari baaneenkeerwe: Kendesi amwe na gûntû kwayo gwa kûrîîthia, Ndaberathi amwe na gûntû kwayo gwa kûrîîthia, 73 Ramothi amwe na gûntû kwayo gwa kûrîîthia na Anemu amwe na gûntû kwayo gwa kûrîîthia.
74 Kuuma kîrî mwîrîga wa Aseri baaneenkeerwe: Masari amwe na gûntû kwayo gwa kûrîîthia, Abundoni amwe na gûntû kwayo gwa kûrîîthia, 75 Ukoki amwe na gûntû kwayo gwa kûrîîthia, na Reobu na gûntû kwayo gwa kûrîîthia. 76 Kuuma mwîrîgaani wa Nabutarî baaneenkerwa: Kendesi ndeeni ya Gariiri amwe na gûntû kwayo gwa kûrîîthia, Amoni amwe na gûntû kwayo gwa kûrîîthia na Kiriathaimu amwe na gûntû kwayo gwa kûrîîthia. 77 Mîciî ya Merari îra yatigeere, yaapeerwe taûni ino amwe na gûntû gwa cio gwa kûrîîthia nteere cia taûni inu. Kuuma mwîrîgaani wa Seburuni baaneenkeerwe Rimoni amwe na gûntû kwayo gwa kûrîîthia na Tabori amwe na gûntû kwayo gwa kûrîîthia. 78 Kuuma mwîrîgaani wa Rubeni, uumîîro bwa riûa bwa muuro wa Njorondani akubî na taûni ya Njeriko baaneenkeerwe Beseri, îra îrî mbarî ya îgûrû amwe na gûntû kwayo gwa kûrîîthia, Njaasa amwe na gûntû kwayo gwa kûrîîthia, 79 Kendemothi amwe na gûntû kwayo gwa kûrîîthia na Mefaathi amwe na gûntû kwayo gwa kûrîîthia. 80 Kuuma mwîrîgaani wa Ngandi baaneenkeerwe Ramothi ndeeni ya Ngiriandi amwe na gûntû kwayo gwa kûrîîthia, Maanaimu, amwe na gûntû kwayo gwa kûrîîthia, 81 Esiboni amwe na gûntû kwayo wa kûrîîthia na Njaseri, amwe na gûntû kwayo gwa kûrîîthia.