Nciarwa cia Isakaari
7
1 Aana ba Isakaari baarî bana:Tora, Pua, Njasubu na Simuroni.
2 Aana ba Tora baarî:
Usi, Refaya, Njerieri, Yamai, Ibisamu na Samweri. Antû babu baarî anene ba mîciî ya mîîrîga ya Tora na baarî antû ncamba mûno ba ndûa kagiitaani kaao.
Mûtari wa antû arûme bara baarî na inya ntugûûni cia mûnene Ndaundi warî ngiri mîrongo îîrî na ciîrî na magana mathanthatû.
3 Usi aarî na mwana ûmwe,
eetagwa Isiraya.
Na Aana ba Isiraya baarî:
Mikaeri, Obandia, Njoeri na Isia, bonthe baarî bana,a na bonthe baarî anene ba mîciî 4 N'ûntû ibaarî na aka baingî, i baagîîre na nthaka imbiingî na baûmba kwîgua barî na acikaarî ba ndûa ngiri mîrongo îthatû na ithanthatû kuumania na nciarwa ciao.
5 Antû ba mîciî yonthe ya mwîrîga wa Isakaari bara beebandîkithîîtie kûringana na mîciî, baarî ngiri mîrongo înaana na mûgwanja, na bonthe baarî ncamba cia ndûa.
Nciarwa cia Benjameni na Ndani
6 Benjameni aarî na aana bathatû:
Mbera, Bekeri na Njendiaeri.
7 Mbera aarî na aana bataano:
Esiboni, Usi, Usieri, Njerimothi na Iri.
Baba baarî atongoria ba mîciî yao, na acikaarî ncamba. Bara beebandîkithîîtie kûringana na mîciî, Mûtari wa nciarwa ciao warî ngiri mîrongo îîrî na ciîrî cia mîrongo îthatû na bana.
8 Bekeri aarî na aana kenda:
Semira, Njoasi, Erieseri, Erioenai, Omuri, Njeremothi, Abiya, Anathothi na Aremethi. Inu cionthe ciarî nthaka cia Bekeri.
9 Baandîkithîîtue kûringana na mîciî na nciarwa ciao ta atongoria ba mîciî yao, na mûtari wao warî ngiri mîrongo îîrî cia magana maîrî, bonthe baarî ncamba cia ndûa.
10 Njendiaeri aarî na mwana ûmwe,
eetagwa Mbirani.
Mbirani aarî na aana baba:
Njeusi, Benjameni, Eundi, Kenaana, Setani, Tarisisi, na Aisaari.
11 Baba bonthe baarî atongoria ba mîciî yao. I kwarî na antû arûme ngiri îkûmi na mûgwanja cia magana maîrî, njûûrî yongwa îîthuuranîrîte kûrû n'ûntû bwa ndûa.
12 Supimu na Upimu i nciarwa cia Iri, na Usimu i rûciaro rwa Aeri.
Nciarwa cia Nabutarî
13 Nabutarî aarî na aana bana:
Njasieri, Nguni, Njeseri na Sarumu. Antû babu baarî nciarwa cia Mbiria, mûka wa kwaiga wa Njakubu.
Nciarwa cia Manase
14 Manase aarî na aana baîrî kuumania na mûka wake wa kwaiga Mûaramu:
Asirieri na Makiri.
Makiri aarî îthe wa Ngiriandi. 15 Makiri aagûra mwaragina wa Upimu na Supimu. Riîtwa rîa mwaragina i Maaka.
Muntû ûmwe wa rûrîîyo rwa Makiri ûra eetagwa Serofeandi aarî na aarî bonka.
16 Maaka mwekûrû wa Makiri, aagîa na mwana eetagwa Peresi. Riîtwa rîa mûruagina wa Peresi i Seresi. Aana ba Seresi baarî Uramu na Rekemu.
17 Uramu aarî îthe wa Bendani.
Ino cionthe i nciarwa cia Ngiriandi, mwana wa Makiri, mwana wa Manase. 18 Amorekethi, mwaragina wa Ngiriandi, aagîa na
Isiondi, Abieseri na Maara.
19 Nthaka cia Seminda ciaarî,
Ayani, Sekemu, Riki na Aniamu.
Nciarwa cia Eburaimu
20 Ino i cio nciarwa cia Eburaimu kuuma nthuke îmwe kûthi nthuke îra îîngî.
Eburaimu aagîa na Suthera,
Suthera aagîa na Berendi,
Berendi aagîa na Taathi,
Taathi aagîa na Ereanda,
Ereanda aagîa na Taathi,
21 Taathi aagîa na Sabandi,
Sabandi aagîa na Suthera.
Tatiga Suthera Eburaimu naarî na aana bangî baîrî Eseri, na Eriandi, bara baûragirwe n'atûûri bongwa ba nthîgûrû ya Ngathi n'ûntû baathiire noogo kûbatuunya nyamû ciao cia ndîîthia.
22 Îthe Eburaimu aarîra ntugû inyingî mûno n'ûntû bwa gîkuû kîao, na aruagina baaya kûmûkirakiria. 23 Eburaimu aamaama na mwekûrû wake, n'we aagîa nda na aagîa na mwana. Eburaimu amwîta Mberia, n'ûntû bwa mathîîna mara maarî makwonekana mûciî gwake. 24 Eburaimu aarî na mwarî eetagwa Seera. Ûyû n'we aakire taûni ya Bethi-Oroni ya îgûrû na nthî, na Useni-Seera.
25 Eburaimu aarî îthe wa Refa ûra aarî îthe wa Resebu.
Resebu aarî îthe wa Tera,
Tera aarî îthe wa Taani,
26 Taani aarî îthe wa Randani,
Randani aarî îthe wa Amiundi,
Amiundi aarî îthe wa Erisama,
27 Erisama, aarî îthe wa Nuni,
Nuni aarî îthe wa Njosua.
28 Rûgai rwao na ûtûûro bwao bwarî, Betheri na ntûûra ciayo, Naarani îra yarî rûteere rwa uumîîro bwa riûa, Ngeseri îra yarî rûteere rwa ûthwîro bwa riûa amwe na ntûûra ciayo, Sekemu na ntûûra ciayo, na Aya na ntûûra ciayo. 29 Na kinya mîankaani ya aana ba Manase: Bethi-Sani na ntûûra ciayo, Taanaki na ntûûra ciayo, Megindo na ntûûra ciayo na Ndori na ntûûra ciayo. Inu i taûni ira nciarwa cia Njosebu, mwana wa Isiraeri ciatûûraga.
Nciarwa cia Aseri
30 Ino i cio nciarwa cia Aseri. Aseri aarî na nthaka inya:
Imuna, Isiba, Isibi na Mberia, na mwarî ûmwe eetagwa Sera.
31 Mberia aarî na aana baîrî,
Eberi na Marikieri, ûra aarî îthe wa Mbirisaithi.
32 Eberi aarî na nthaka ithatû,
Njabureti, Someri na Othamu, na mwarî ûmwe eetagwa Sua.
33 Njabureti wan'we n'aarî na aana bathatû:
Pasaki, Mbimari na Asibathi.
34 Semeri, mûruagina, aarî na aana bathatû,
Ronga, Njeuba na Aramu.
35 Na Eremu, mûruagina ûngî, aarî na aana bana,
Sofa, Imuna, Seresi na Amari.
36 Aana ba Sofa baarî,
38 Aana ba Njetheri baarî,
Njebune, Pisipa na Ara.
39 Aana ba Ura baarî,
Ara, Anieri na Risia.
40 Antû babu bonthe baarî nciarwa cia Aseri na baarî atongoria ba mîciî yao, antû bathuure na ncamba cia ndûa. Mûtari wa bara beebandîkithîîtie kûringana na mîciî ndeeni ya njûûrî, yarî ngiri mîrongo îîrî na ithanthatû.