Nciarwa cia Njunda
4
1 Aana ba Njunda baarî Peresi, Esironi, Karimi, Uri na Sobari. 2 Reaya mwana wa Sobari n'we aarî îthe wa Njaathi. Njaathi aarî îthe wa Aumai na Raandi. Îno n'yo mîîrîga ya Asorathi. 3 Baba i bo aana ba Etamu, Njesireeri, Isama, Indibasi na mwaragina Asereriponi. 4 Penueri aarî îthe wa Ngendori, na Eseri aarî îthe wa Usa. Ino i cio nciarwa cia Uri, kîîmbere kîa Eburatha, ûra aarî kîûyûûyû kîa Bethireemu. 5 Asuri, kîûyûûyû gîa Tekoa aarî na aka baîrî, Era na Naara. 6 Naara aagîa na Ausamu, Eferi, Temeni na Aasitari. 7 Era aagîa na Serethi, Soari, Ethinani, 8 na Kosi. Kosi aarî kîûyûûyû kîa Anubi, Asobeba na antû ba mûciî wa Aareri mwana wa Arumu.9 I kwarî na muntû ûmwe eetagwa Njabesi, ûra aarî wa gîtîîyo nkûrûki ya aruagina bara bangî. Gina amwîta Njabesi n'ûntû gina n'egiirue ûrûrû mûno akîgîa n'we. 10 Njabesi n'arombire Ngai wa Isiraeri auga, “Ndakûromba ûnthaarime na ûmbaramîrie mîanka. Wîgague ûrî amwe naani rîonthe na ûndigîîrie ntikoone thîîna.” N'we Ngai aacookeria Njabesi îromba rîake amwaa kîra aamûrombeete.
11 Kerubi, mûruagina wa Sua n'we aarî îthe wa Meiri, ûra n'we aarî îthe wa Esitoni. 12 Esitoni aarî îthe wa Bethi-Rafa, Pasea na Teina. Teina aarî îthe wa Iri-Naasi. Babu i bo antû ba Reka.
13 Aana ba Kenasi baarî,
Othinieri na Seraya.
Aana ba Othinieri baarî,
Seraya aarî îthe wa Njoabu. Njoabu aarî îthe wa Nge-Arasimu mûtongoria wa Kîbonde kîa Nge-Arasimu.a Gîetangwa ûgu n'ûntû antû baaku baarî atea.
15 Aana ba Karebu mwana wa Njebune baarî,
Iru, Era na Naamu.
Mwana wa Era eetagwa Kenasi.
16 Aana ba Njearereri baarî,
Sibu, Sifa, Tiria na Asareri.
17 Aana ba Esira baarî,
Njetheri, Merendi, Eferi na Njaroni. Mwekûrû ûmwe wa Merendi, aagîa na Miriamu, Samai na Isiba. Isiba aarî îthe wa Esitemoa. 18 Merendi agûra mwekûrû wa mwîrîga wa Njunda ûra aagîîre na Njerendi îthe wa Ngendori, Eberi îthe wa Soko, na Njekuthieri, ûra aarî îthe wa Sanoa. Merendi n'aagûrire Bitia mwarî wa mûnene wa Miisiri na aagîa na aana n'we.
19 Mwekûrû wa Ondia aarî mwaragina wa Naamu.
Ûmwe wa aana ba mwekûrû wa Ondia n'we aarî mwanjîîria wa taûni ya Keira kûra gwatûûraga antû ba mwîrîga wa Ngarimi, na mwanjîîria wa taûni ya Esitemoa kûra gwatûûraga antû ba mwîrîga wa Maakathi.
20 Aana ba Simoni baarî:
Amunoni, Rina, Mbeni-Anani na Tironi.
Aana ba Isi baarî,
Soethi na Mbeni-Soethi.
Nciarwa cia Sera
21 Aana ba Sera mwana wa Njunda baarî,
Eri îthe wa Reka, Raanda îthe wa Maresa na mîîrîga ya antû bara batumaga nguo cia gatani Bethi-Asibea, 22 Njokimu, antû ba Koseba, na Njoasi, na Sarabu, ûra aathanaga Moabu na Njasubireemu. (Mariîtwa mama maumîîte maandîkooni ma tene.) 23 Baarî aûmbi ba into bia yûûmba bara batûûraga Netaimu na Ngendera. I noogo baatûûraga bakîrutagîra mûnene ngûgî.
Nciarwa cia Simioni
24 Aana ba Simioni baarî,
Nemueri, Njamini, Njaribu, Sera na Saûrû.
25 Sarumu aarî mwana wa Saûrû. Sarumu aagîa na Mibusamu, Mibusamu aagîa na Misima.
26 Nciarwa cia Misima ciarî
Amueri mwana wake, Amueri aagîa na Sakuri, Sakuri aagîa na Simei.
27 Simei aarî na nthaka îkûmi na ithanthatû na aarî bathanthatû. Îndî aruagina bataagîa na aana baingî na kwoogu mwîrîga wao ûtaathagaya ta wa antû ba Njunda. 28 Baatûûraga Beeriseba, Moranda, Asari-Suari, 29 Mbiria, Esemu, Torandi, 30 Bethueri, Orima, Sikiragi, 31 Bethi-Marikabothi, Asari-Susimu, Bethi-Biri na Saaraimu. Inu i cio ciarî taûni ciao mwanka îgiita rîa wathani bwa Ndaundi. 32 Bamwe baatûûraga taûni ira ciabathiûrûkîrîîte, ta cio Etamu, Aini, Rimoni, Tokeni na Asani, taûni itaano, 33 na ntûûra ira ciathiûrûkîrîîte taûni inu, kûthi mwanka Mbaari.b Gûku i ku nciarwa cia Simioni ciatûûraga kûringana na maandîko ma rûrîîyo rwao.
34 Wa bûra mîciî yao na mîîrîga yao yathiire na mbere kûnenea, antû ba mûciî wa Simioni i baagîîre na atongoria baba, Mesobaabu, Njamurîki, Njosa mwana wa Amasia, 35 Njoeri, Njeû mwana wa Njosibia, ûra aarî mwana wa Seraya, ûra n'we aarî mwana wa Asieri, 36 Erioenai, Njaakoba, Njesoaya, Asaya, Andieri, Njesimeri, Benaya, 37 na Sisa mwana wa Sifi, mwana wa Aroni, mwana wa Njendaya, mwana wa Simuri, mwana wa Semaya.
38 Antû babu i bo baarî atongoria ba mîîrîga yao. Mîciî yao n'yathagayire mûno, 39 na baataamba mwanka nteereeni cia Ngendori mbarî ya uumîîro bwa riûa bwa kîguuru, bagîceria ndîîthia ya nyamû ciao cia ndîîthia. 40 I boonire gûntû kûûnoru gwa kûrîîthia kwega, na nthîgûrû yarî îînene, na îtarî gîtuma na îrî na ûkiri. Aami i bo batûûraga ku mbereeni.
41 Mariîtwa mama maandîkîîtwe i ma antû bara baathiire îgiitaani rîa Esekia mûnene wa Njunda. Baithûkîîre Aami naara batûûraga amwe na Ameuni bara baarî ku babathiria kûrû. Rîru bo batûûra ku n'ûntû i kwarî na ndîîthia ya nyamû ciao cia ndîîthia. 42 Antû magana mataano ba mwîrîga wa Simioni baathi bwa nthîgûrû ya irîma ya Seiri. Batongorereetue in Peratia, Nearia, Refaya na Usieri aana ba Isi. 43 Baûraga Aamareki bara batigeere nabo batûûra kû kuuma îgiita rîru mwanka îmunthî.