Nciarwa cia Ndaundi
3
1 Baba i bo aana bara Ndaundi aagîîre nabo arî Eburoni, Kîîmbere gîake kîarî Amunoni mwana wa mwekûrû ûra eetagwa Ainoamu wa kuuma Njesireeri. Wa baîrî aarî Ndanieri mwana wa Abigairi wa kuuma Karimeri. 2 Wa bathatû aarî Abusaromu mwana wa mwekûrû ûra eetagwa Maaka mwarî wa Tarumai mûnene wa Ngesuri, wa bana eetagwa Andoniya na gina eetagwa Agithi. 3 Wa bataano i Sefatia na gina eetagwa Abitari, na wa bathanthatû aarî Ithireamu wa mwekûrû ûra eetagwa Egira. 4 Baba barî bathanthatû baaciarîîrwe Eburoni, n'aara Ndaundi aathanîîte kwa îgiita rîa mîanka mûgwanja na mîeri îthanthatû.Ndaundi aathanire arî Njerusaremu kwa îgiita rîa mîanka mîrongo îthatû na îthatû, 5 na baba i bo aana bara aagîîrîîre nabo Njerusaremu; Samua, Sobabu, Nathani na Soromoni. Gina wa baba barî bana aarî Bathi-Sua mwarî wa Amieri. 6 I kwarî na kinya Ibari, Erisua, Erifereti, 7 Noga, Nefegi, Njafia, 8 Erisama, Erianda na Erifereti, bonthe baarî kenda. 9 Baba bonthe baarî aana ba Ndaundi tûtagûtara aana bara aarî nabo na aka baake ba kwaiga. Tamari aarî mwarî wake.
Anene ba Njunda
10 Mwana wa Soromoni eetagwa Reoboamu, Reoboamu aagîa na Abiya, Abiiya aagîa na Asa, Asa aagîa na Njeosafati. 11 Njeosafati aagîa na Njoramu, Njoramu aagîa na Aasia, Aasia aagîa na Njoasi, 12 Njoasi aagîa na Amasia, Amasia aagîa na Asaria, Asaria aagîa na Njothamu, 13 Njothamu aagîa na Aasi, Aasi aagîa na Esekia, Esekia aagîa na Manase, 14 Manase aagîa na Amoni, Amoni aagîa na Njosia.
15 Aana ba Njosia baarî; kîîmbere gîake Njoanani, wa baîrî Njeoyakimu, wa bathatû Sendekia, wa bana Sarumu. 16 Aana ba Njeoyakimu baarî baîrî: Njeoakini na Sendekia.
Nciarwa cia Njeoakini
17 Aana ba Njeoakini ûra aarî mûgwate baarî Searitieri, 18 Marikiramu, Pendaya, Senasari, Njekamia, Osama na Nendabia. 19 Aana ba Pendaya baarî Serubaberi na Simei. Aana ba Serubaberi baarî Mesuramu, Anania na Seromithi, Seromithi aarî mwarî. 20 I kwarî na aana bangî bataano: Asuba, Oeri, Mberekia, Asandia na Njusabu-Esendi.
21 Aana ba Anania baarî Peratia na Njesaya na aana ba Refaya. Repayia aagîa na Arinani, Arinani aagîa na Obandia n'we Obandia aagîa na Sekania.
22 Nciarwa cia Sekania ciarî Semaya na aana baake tabo: Atusi, Igari, Mbaria, Nearia na Safati. Bonthe baarî bathanthatû.
23 Aana ba Nearia baarî Erioenai, Isika na Asirikamu, bonthe baarî bathatû.
24 Aana ba Erioenai baarî Ondabia, Eriasibu, Perayia, Akubu, Njoanani, Nderaya na Anani, bonthe baarî mûgwanja.