2 SAMWERI
Mantû ma îbuku rîrî
Îbuku rîa 2 Samweri rîarîîrîîtie mantû ma mîanka mîrongo înna ya mûthia kîrî mîanka îgana na mîrongo îthatû îra yaarîîrîîtue i mabuku ma Samweri marî maîrî. Rîarîîrîîtie kagiita kara Ndaundi aarî mûnene wa mbere wa gîteere kîa Njunda (Gîcu. 1-4) na nyumaani nthîgûrû yonthe ya Isiraeri (Gîcu. 5-24). Kagiitaani ka wathani bwake, Ndaundi n'atuîkithiirie Njerusaremu taûni yake îînene na aareeta Îthandûkû rîa Kîrîîkanîro ku; ûntû bûra bwonaniirie bwega n'atîîyaga Ngai ta mûnene wake wengwa na mûnene wa antû. Ndaundi naûmbire kûrûa na gûtura Afirisiti, anthû bara banene ba Isiraeri na aatha nthîgûrû yonthe mwanka muuro wa Yufîrîti. Wathaniini bwa mûnene Ndaundi nthîgûrû ya Isiraeri n'yegiirue îrî na ûkiri na ûthii na mbere.
Amwe na kwîgua Ndaundi aarî mûnene aathuurîîtwe i Ngai, n'aarî na mathîîna maake mataûmba kwithîka ta kûrega kwathîka kwa mwana wake Abusaromu, ûnyaanya bwake na mûka eetagwa Bathiseba kûra kwaumaniirie na kûûragwa kwa mûkûrû wake Uria.
Wendo bwa Ndaundi bwa gwakîra Mwathani nyomba înthongi Njerusaremu arî bantû akûgongagîrwa n'antû bonthe, i bwakunîkîîrwe i wendo bwa Ngai wengwa bwa gûtuîkithia mûciî wa Ndaundi rûrîîyo rûra rûkauma Mesia Kîrîstû. Wana kinya ûkeegua Ndaundi n'arûthaga meeyia na akabaanga mîbango îtarî mîega, “...Aarûthaga bûra Mwathani akwenda,” n'ûntû n'etîgagîîria kwîrira meeyia (Gîcu. 12) na ageetîgia Mwathani kaîrî (Gîcu. 22).
Gwookubî îbuku rîrî rîkari ûûgû:
Ndaundi aathana nthîgûrû ya Njunda -1-4
Ndaundi aatha Isiraeri yonthe 5-6
Wîrane bwa Ngai na kûgwa kwa Ndaundi 7-12
Abusaromu aûmîria Ndaundi 13-20
Mantû mwanya mwanya 21-24