Rûgendo rwa kuuma Miisiri mwanka Moabu
33
1 Rûgono rûrû irûkwonania mariîtwa ma gûntû kûra antû ba Isiraeri baambaga Marema nyuma ya kuuma Miisiri batongorereetue i Musa na Arûni.2 Mwathani n'eerire Musa, n'we Musa aandîka mariîtwa ma gûntû kûra baandaga Marema.
3 Antû ba Isiraeri baumagarûkire taûni ya Ramesesi ntugû ya îkûmi na itaano ya mweri wa mbere wa mwanka, ntugû îra yaathingatîîrîîte Pasaka na ûcamba antû ba Miisiri bakîonaga na meetho. 4 Rîru irio antû ba Miisiri baathikaga itûra îria biao bia antû arûme bara Mwathani aarî akûûraga n'ûntû Mwathani n'aarî akwînyangia ngai ciao.
5 Antû ba Isiraeri bakuuma Ramesesi baambire Marema Sukothi.
6 Bauma Sukothi baathi baamba marema Ethamu mûthiani wa ng'aarû.
7 Kuuma agu Ethamu baagarûka beerekera Pi-Airothi mbarî ya uumîîro bwa riûa ya Mbaari-Seboni, baamba marema akubî na Migindori.
8 Bauma Pi-Airothi, baakûrûkîîra Îria Rîtuune baathûûngîra ng'aarû ya Ethamu. Nyuma ya rûgendo rwa ntugû ithatû baanogokeera Mara.
9 Kuuma agu Mara, baathi Erimu, baamba Marema oogo n'ûntû i kwarî na inyaka bia rûûyî îkûmi na biîrî na mîkîîndû mîrongo mûgwanja.
10 Bauma Erimu baathi baamba Marema akubî na Îria Rîtuune.a
11 Bauma Îria Rîtuune baamba marema maao ng'aarûûni ya Sini.
12 Bauma rwanda rwa Sini baathi baamba Marema Ndobuka,
13 bakuuma Ndobuka baathi Arusi.
14 Kambî înu îîngî yarî Refindimu, naara bataarî na rûûyî rwa kûnyua.
15 Bauma Refindimu baathi ng'aarûûni ya Sinai.
16 Bauma Ng'aarûûni ya Sinai baathi Kiburothi-Ataaba.
17 Bauma Kiburothi-Ataaba baathi Aserothi.
18 Bauma Aserothi baathi Rithima.
19 Bauma Rithima baathi Rimoni-Peresi.
20 Bauma Rimoni-Peresi baathi Ribuna.
21 Bauma Ribuna baathi Risa.
22 Bauma Risa baathi Keeratha.
23 Bauma Keeratha baathi kîrîmaani gîa Seferi.
24 Bauma kîrîmaani gîa Seferi baathi Aranda.
25 Bauma Aranda baathi Makerothi.
26 Bauma Makerothi baathi Taathi.
27 Bauma Taathi baathi Tera.
28 Bauma Tera baathi Mithika.
29 Bauma Mithika baathi Asimona.
30 Bauma Asimona baathi Moserothi.
31 Bauma Moserothi baathi Mbene-Njaakani.
32 Bauma Mbene-Njaakani baathi Ori Agindigandi.
33 Bauma Ori Agindigandi baathi Njotibathi.
34 Bauma Njotibathi baathi Aburona.
35 Bauma Aburona baathi Esioni-Ngeberi.
36 Bauma Esioni-Ngeberi baathi Kandesi ng'aarûûni ya Sini.
37 Bauma Kandesi baamba Marema kîrîmaani kîa Ori, mwankaani wa Endomu.
38 Mwathani akwathana, Arûni Mûthînjîri wa Ngai aatwa kîrîmaani gîku kîa Ori akuîra ku, ntugû ya mbere ya mweri wa îtaano mwankaani wa mîrongo îna, kuuma antû ba Isiraeri ba kuuma Miisiri.
39 Arûni aarî na ûkûrû bwa mîanka îgana rîmwe rîa mîrongo îîrî na îthatû agîkuîra kîrîmaani kîa Ori.
40 Mûnene wa Akanaani wa taûni ya Arandi wa nthîgûrû ya rûteere rwa iti ya Kanaani eegua antû ba Isiraeri i baayîîte.
41 Bauma kîrîmaani kîa Ori baathi Sarimona.
42 Bauma Sarimona baathi Punoni.
43 Bauma Punoni baathi Obothi.
44 Bauma Obothi baathi baamba marema maao Riye-Abarimu, mwankaani wa Moabu.
45 Bauma Riye-Abarimu baathi Ndiboni Ngandi.
46 Bauma Ndiboni Ngandi baathi Arimoni-Ndiburathîmu.
47 Bauma Arimoni-Ndiburathîmu baamba marema Irîmaani bia Abarimu akubî na Nebo.
48 Bauma irîmaani bia Abarimu baamba marema iboondeeni bia Moabu îkumbo rîa Njorondani rûgoongo rûra rûngî rwa Njeriko. 49 Naagu iboondeeni bia Moabu baambire marema îkumbo rîa Njorondani kuuma Bethi-Njesimothi mwanka Abeeri-Sitimu.
50 Barî iboondeeni bia Moabu, akubî na Njorondani, rûgoongo rûra rûngî kuuma Njeriko Mwathani aaneenkera Musa, 51 mawatho mama makûthingatwa n'antû ba Isiraeri: “Bwaringa Njorondani bwathûûngîra Kanaani, 52 bwîngatie atûûri ba nthîgûrû înu bonthe babûtaarîrie. Bwînyangie mîbuanaano yao yonthe îra bacaîte na ngai cia ûrongo cia gûtura, na bwînyangie kunthe kûra bagoongagîra ngai cia ûrongo. 53 Bûthûkie nthîgûrû înu na bûtûûre ku n'ûntû inkûbûnenkera yoo îtuîke yenu. 54 Bûgaanie nthîgûrû înu kîrî mîîrîga na mariiko mwanya mwanya na njîra ya kûringa kuura. Mwîrîga ûra mûnene ûneenkerwe rûgai rûûnene, na mwîrîga ûra mûniini ûneenkerwe rûgai rûûniini woogu.”