Îtarwa rîa maîrî
26
1 Nyuma ya mûthiro Mwathani aaria na Musa na Eriasari mwana wa Arûni, ûra mûthînjîri abeera, 2 “Taraani antû ba Isiraeri bonthe kîîmîciî. Bûtare antû arûme ba ûkûrû bwa mîanka mîrongo îîrî kûthi mbere bara baûmba gûtûmîka ndûani.” 3 Kwoogu naagu kîbondeeni kîa Moabu îkumbo rîa Njorondani rûgoongo rûra rûngî rwa Njeriko, Musa na Eriasari ûra mûthînjîri baaria na atongoria ba Isiraeri babeera, 4 “Taraani antû arûme ba ûkûrû bwa mîanka mîrongo îîrî kûthi mbere wa ta bûra Mwathani aathîîte Musa.”Baba i bo antû ba Isiraeri bara baumire Miisiri:
5 Rûrîîyo rwa Rubeni, gîtûra îria kîa Njakubu baarî:
kuuma kîrî Anoki, mwîrîga wa Anoki;
kuuma kîrî Paru, mwîrîga wa Aparu;
6 gûkûrûkîîra Esironi, mwîrîga wa Esironi; gûkûrûkîîra Karimi, mwîrîga wa Karimi.
7 Îno n'yo mîîrîga ya Rubeni îra yaatarirwe; yarî na antû ngiri mîrongo îna na îthatû magana mûgwanja ma mîrongo îthatû.
8 Nthaka ya Paru yarî Eriabu, 9 na nthaka cia Eriabu ciarî Nemueri, Ndaathani na Abiramu. Ndathani na Abiramu baba nwabo baarî atongoria ba antû bara baakarariirie Musa na Arûni na baarî athiingati ba Kora rîra baaremire Mwathani. 10 Nthîgûrû n'yatîkire na ya bameria, baakuuyanîria na Kora na athiingati baake rîra mwanki wabîîthiirie antû magana maîrî na mîrongo îtaano. Batuîkire ngerekano kîrî antû ba Isiraeri. 11 Îndî rûrîîyo rwa Kora rûtaathira cwe.
12 Rûrîîyo rwa Simioni, kîîmîîrîga rwakari ûûgû:
gûkûrûkîîra Nemueri, mwîrîga wa Nemueri;
gûkûrûkîîra Njamini, mwîrîga wa Njamini;
gûkûrûkîîra Njakini, mwîrîga wa Njakini;
13 gûkûrûkîîra Sera, mwîrîga wa Sera;
gûkûrûkîîra Saûrû, mwîrîga wa Saûrû.
14 Îno n'yo mîîrîga ya Simioni na yarî na antû arûme ngiri mîrongo îîrî na ciîrî na magana maîrî.
15 Rûrîîyo rwa Ngandi kîîmîîrîga rwakari ûûgû:
gûkûrûkîîra Sefoni, mwîrîga wa Asefoni;
gûkûrûkîîra Agi, mwîrîga wa Agi;
gûkûrûkîîra Suni, mwîrîga wa Asuni;
16 gûkûrûkîîra Osini, mwîrîga wa Osini;
gûkûrûkîîra Eri, mwîrîga wa Eri;
17 gûkûrûkîîra Arondi, mwîrîga wa Arondi;
gûkûrûkîîra Areri, mwîrîga wa Areri.
18 Îno n'yo mîîrîga ya Ngandi na yarî na antû ngiri mîrongo îna cia magana mataano:
19 Eri na Onani baarî nthaka cia Njunda, îndî i baakuîrîîre Kanaani.
20 Rûrîîyo rwa Njunda rwakari ûûgû:
gûkûrûkîîra Sera, mwîrîga wa Sera;
gûkûrûkîîra Peresi, mwîrîga wa Aperesi;
gûkûrûkîîra Sera, mwîrîga wa Sera.
21 Rûrîîyo rwa Peresi rwakari ûûgû:
gûkûrûkîîra Esironi, mwîrîga wa Esironi;
gûkûrûkîîra Amuri, mwîrîga wa Amuri.
22 Îno n'yo mîîrîga ya Njunda na yarî na antû ngiri mîrongo mûgwanja na ithanthatû na magana mataano.
23 Rûrîîyo rwa Isakaari kîîmîîrîga rwakari ûûgû:
gûkûrûkîîra Tora, mwîrîga wa Tora;
gûkûrûkîîra Pubaa, mwîrîga wa Apuba;
24 gûkûrûkîîra Njasubu, mwîrîga wa Njasubu;
gûkûrûkîîra Simuroni, mwîrîga wa Simuroni.
25 Îno n'yo yarî mîîrîga ya Isakaari na yarî na antû ngiri mîrongo îthanthatû na inya na magana mathatû.
26 Rûrîîyo rwa Seburuni kîîmîîrîga rwakari ûûgû:
gûkûrûkîîra Serendi, mwîrîga wa Serendi;
gûkûrûkîîra Eroni, mwîrîga wa Eroni;
gûkûrûkîîra Njaeri, mwîrîga wa Njaeri;
27 Îno n'yo yarî mîîrîga ya Seburuni na yarî na antû ngiri mîrongo îthanthatû na magana mataano.
28 Rûrîîyo rwa Njosebu kîîmîîrîga gûkûrûkîîra Manase na Eburaimu kûringana na mîîrîga yao:
29 Rûrû i ru rûrîîyo rwa Manase.
Gûkûrûkîîra Makiri, mwîrîga wa Makiri. (Makiri n'we aarî îthe wa Ngiriandi).
Gûkûrûkîîra Ngiriandi, mwîrîga wa Angiriandi.
30 Rûrû i ru rûrîîyo rwa Ngiriandi.
Gûkûrûkîîra Iyeseri, mwîrîga wa Îyeseri
gûkûrûkîîra Ereki, mwîrîga wa Ereki,
31 gûkûrûkîîra Asirieri, mwîrîga wa Asirieri;
gûkûrûkîîra Sekemu, mwîrîga wa Sekemu;
32 gûkûrûkîîra Seminda, mwîrîga wa Seminda;
gûkûrûkîîra Eferi, mwîrîga wa Aeferi;
33 (Serofeandi mwana wa Eferi ataarî na nthaka; aarî na aarî bonka. Aarî babu beetagwa, Maara, Nuu, Ogira, Mirika na Tirisa.)
34 Îno n'yo yarî mîîrîga ya Manase na yarî na antû ngiri mîrongo îtaano na ciîrî na magana mûgwanja.
35 Rûrû i ru rûrîîyo rwa Eburaimu kîîmîîrîga:
gûkûrûkîîra Suthera, mwîrîga wa Suthera;
gûkûrûkîîra Bekeri, wa mwîrîga wa Bekeri;
gûkûrûkîîra Taani, Mwîrîga wa Taani;
36 Rûrû i ru rûrîîyo rwa Suthera:
gûkûrûkîîra Erani, mwîrîga wa Erani.
37 Îno n'yo yarî mîîrîga ya Eburaimu na yarî na antû ngiri mîrongo îthatû na ciîrî na magana mataano.
Rûrû i ru rûrîîyo rwa Njosebu kûringana na mîîrîga yao:
38 Rûrîîyo rwa Benjameni kîîmîîrîga rwakari ûûgû:
gûkûrûkîîra Mbera, mwîrîga wa Mbera;
gûkûrûkîîra Asiberi, mwîrîga wa Asiberi;
gûkûrûkîîra Airemu, mwîrîga wa Airemu;
39 gûkûrûkîîra Sufamu, mwîrîga wa Sufamu;
gûkûrûkîîra Ufamu, mwîrîga wa Ufamu.
40 Rûrîîyo rwa Mbera gûkûrûkîîra Arindi na Naamani i ru rûrû:
gûkûrûkîîra Arindi, mwîrîga wa Arindi;
gûkûrûkîîra Naamani, mwîrîga wa Naamani;
41 Îno n'yo yarî mîîrîga ya Benjameni na yarî na antû ngiri mîrongo îna na îtaano na magana mathanthatû.
42 Rûrû i ru rûrîîyo rwa Ndani kîîmîîrîga:
gûkûrûkîîra Suamu, mwîrîga wa Suamu;
Îno n'yo yarî mîîrîga ya Ndani: 43 Na antû ba Ndani bonthe baarî ba mîîrîga ya Asuamu. Na baarî antû ngiri mîrongo îthanthatû na inya na magana mana.
44 Rûrîîyo rwa Aseri kîîmîîrîga rwakari ûûgû:
gûkûrûkîîra Imuna, mwîrîga wa Imuna;
gûkûrûkîîra Isibi, mwîrîga wa Isibi;
gûkûrûkîîra Mberia, mwîrîga wa Mberia;
45 na gûkûrûkîra rûrîîyo rwa Mberia kwarî na mîîrîga îno:
gûkûrûkîîra Eberi, mwîrîga wa Eberi;
gûkûrûkîîra Marikieri, mwîrîga wa Marikieri.
46 Aseri naarî na Mwarî eetagwa Sera.
47 Îno n'yo yarî mîîrîga ya Aseri, na baarî antû ngiri mîrongo îtaano na ithatû na magana mana.
48 Rûrîîyo rwa Nabutarî kîîmîîrîga rwakari ûûgû:
gûkûrûkîîra Njaseeri, mwîrîga wa Njaseeri;
gûkûrûkîîra Nguni, mwîrîga wa Nguni;
49 gûkûrûkîîra Njeseri, mwîrîga wa Njeseri;
gûkûrûkîîra Siremu, mwîrîga wa Asiremu.
50 Îno n'yo yarî mîîrîga ya Nabutarî na baarî antû ngiri mîrongo îna na îtaano na magana mana.
51 Antû arûme bonthe ba Isiraeri baarî antû ngiri magana mathanthatû ma îmwe, na magana mûgwanja ma mîrongo îthatû.
52 Mwathani aaria na Musa amwîra, 53 “Gaîra mîîrîga îno kîthaka. Woora mwîrîga kûringana na bûra ûgana. 54 Kîrî gîkundi kîînene bagaîre kîthaka kîînene na kîrî gîkundi kîra kîniini ûbagaîre kaaniini. Wa kîra gîkundi kînenkerwe rûgai rîganeene na wingî bwa antû baakîo. 55 Ûmenyeere mûno wone kîthaka kîagaîgwa gîîkuura. Kîra gîkundi gîkaagaa kîîgue kîringeene na mariîtwa ma kîîmîîrîga. 56 Wa kîra îgai rîkaagaagwa na kuura kîrî ikundi bira binene na bira biniini.”
57 Baba i bo Arawi bara baatarirwe kîîmîîrîga:
gûkûrûkîîra Ngerisoni, mwîrîga wa Ngerisoni;
gûkûrûkîîra Koathi, mwîrîga wa Koathi;
gûkûrûkîîra Merari, mwîrîga wa Merari.
58 Îno n'yo yarî mîîrîga ya Rawi:
mwîrîga wa Ribuni,
mwîrîga wa Eburoni,
mwîrîga wa Maari,
mwîrîga wa Musi,
mwîrîga wa Kora.
“Koathi aarî kîûyûûyû kîa Amuramu; 59 mwekûrû wa Amuramu eetagwa Njosebendi, wa rûrîîyo rwa Rawi na aaciarîîrwe Miisiri. N'acîarîîre Amuramu nthaka ciîrî, Arûni na Musa, na mwarî eetagwa Miriamu. 60 Arûni aarî na nthaka inya. Nacio i: Nandabu, Abiu, Eriasari na Ithamarû. 61 Nandabu na Abiu i baakuire rîra baarutîîre Mwathani kîgongwana na mwanki ûtarî mûtheru.”
62 Antû arûme ba mwîrîga wa Rawi bara baarî na ûkûrû bwa mweri ûmwe kûthi mbere baarî antû ngiri mîrongo îîrî na ithatû. Bo baatarirwe mwanya n'ûntû bo batabatîîrue bagaîrwa ûtonga bwa Isiraeri.
63 Mîîrîga îno yonthe yaatarirwe i Musa na Eriasari, mûtariini wa antû ba Isiraeri barî rûtunguruuni rwa Moabu îkumbo rîa Njorondani rûgoongo rûra rûngî rwa Njeriko. 64 Gûtirî muntû n'wa ûmwe wa antû ba Isiraeri bara Musa na Arûni, Mûthînjîri wa Ngai, batarîrîte Ng'arûûni ya Sinai aatigeere. 65 Mwathani augîîte bonthe bagaakuîra rwanda. Tatiga Karebu mwana wa Njebune na Njosua mwana wa Nuni babu bangî bonthe i baakuire.