Biewa bia atongoria
7
1 Ntugû îra Musa arîîkiirie kwînjîra îrema rîa kûrîîkanaga, naarîîtûûrîîrie maguta na arîtheria, rîo amwe na into biarîo, wana kîthînjîro nakîo amwe na into biakîo. 2 Rîru atongoria bara baatongoragia mîîrîga ya Isiraeri, waabo bara baarûngamîîrîîte ûtariini bwa antû, 3 baareeta biewa biao kîrî Mwathani. Na bio biewa bibu biarî makûmbî ma nkaarî mathanthatû na ndegwa îkûmi na ciîrî. Wa bara atongoria baîrî baarutaga îkûmbî rîmwe na woora mûtongoria ûmwe aarutaga ncamba îmwe. Bakûrîîkia kûbiruta, 4 Mwathani aaria na Musa amwîra, 5 “Îtîgîîria biewa bibi birî bia kûruta ngûgî ya îrema rîa kûrîîkanaga, ûbineenkanîre kîrî Arawi kûringana na ngûgî ira bakûruta.”6 Kwoogu Musa aneenkanîra makûmbî mamu ma nkaarî na ncamba inu kîrî Arawi. 7 Aanenkera Arawi ba Ngerisoni makûmbî maîrî na ncamba inya. 8 Aanenkera Arawi ba Merari makûmbî mana na ncamba inyanya. Ngûgî ciao cionthe ciabatîîrue kûrûngamîîrwa n'Ithamarû nthaka ya Arûni. 9 Îndî Musa ataanenkera Arawi ba Koathi makûmbî kana ncamba n'ûntû into bira bitheru baamenyagîîra biabatîîrue gûkamatwa na ituro.
10 Atongoria i baareetire biewa biao n'ûntû bwa gûkeneera kwathûrwa gwa kîthînjîro. Rîra baarî bakwîbîthîrania kûneenkanîra biewa biao kîthînjîrooni, 11 Mwathani aaria na Musa amwîra, “Beere, gwa kagiita ga ntugû îkûmi woora ûmwe wacienu akaareetaga biewa biake bia kûneenkanîra n'ûntû bwa kwathûra kîthînjîro, woora mûtongoria ntugû yake.”
12 Ûra aareetire kîewa gîake ntugû ya mbere aarî Naasoni mwana wa Aminandabu wa mwîrîga wa Njunda. 13 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeria mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 14 mbakûri ya thaabu ya ûrito bwa sekeri îkûmi, yûûyûri macoco, 15 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 16 nthenge îmwe ya kîgongwana n'ûntû bwa wîyia, 17 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîgongwana kîa Naasoni mwana wa Aminandabu.
18 Ntugû ya ciîrî Nethaneri mwana wa Suari, mûtongoria wa Isakaari aareeta kîewa gîake. 19 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 20 mbakûri ya thaabu ya ûrito bwa sekeri îkûmi, yûûyûri macoco, 21 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 22 nthenge îmwe ya kîgongwana n'ûntû bwa wîyia, 23 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Nethaneri mwana wa Suari.
24 Ntugû ya ithatû Eriabu mwana wa Eroni mûtongoria wa antû ba Seburuni areeta kîewa gîake. 25 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 26 mbakûri ya thaabu ya ûrito bwa sekeri îkûmi, yûûyûri macoco, 27 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 28 nthenge îmwe ya kîgongwana n'ûntû bwa wîyia, 29 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Eriabu mwana wa Eroni.
30 Ntugû ya inya Erisuri mwana wa Sendeuri mûtongoria wa antû ba Rubeni areeta kîewa gîake. 31 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 32 mbakûri ya thaabu ya ûrito bwa sekeri îkûmi, yûûyûri macoco, 33 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 34 nthenge îmwe ya kîgongwana n'ûntû bwa meeyia, 35 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Erisuri mwana wa Sendeuri.
36 Ntugû ya itaano Serumieri mwana wa Surisandai mûtongoria wa antû ba Simioni areeta kîewa gîake. 37 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 38 mbakûri ya thaabu ya ûrito bwa sekeri îkûmi, yûûyûri macoco, 39 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 40 nthenge îmwe ya kîgongwana n'ûntû bwa wîyia, 41 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Serumieri mwana wa Surisandai.
42 Ntugû ya ithanthatû Eriasabu mwana wa Ndeweri mûtongoria wa antû ba Ngandi areeta kîewa gîake. 43 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 44 mbakûri ya thaabu ya ûrito bwa sekeri îkûmi, yûûyûri macoco, 45 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 46 nthenge îmwe ya kîgongwana n'ûntû bwa wîyia, 47 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Eriasabu mwana wa Ndeweri.
48 Ntugû ya mûgwanja Erisama mwana wa Amiundi mûtongoria wa antû ba Eburaimu areeta kîewa gîake. 49 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 50 mbakûri ya thaabu ya ûrito bwa sekeri îkûmi, yûûyûri macoco, 51 ncamba ya kiumîri, ntûrûme îmwe, gatûrûme ka mwanka ûmwe ga kîgongwana gîa kûbîîthua, 52 nthenge îmwe ya kîgongwana n'ûntû bwa wîyia, 53 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Erisama mwana wa Amiundi.
54 Ntugû ya inyanya Ngamarieri mwana wa Pendasuri mûtongoria wa antû ba Manase areeta kîewa gîake. 55 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 56 mbakûri ya thaabu ya ûrito bwa sekeri îkûmi, yûûyûri macoco, 57 ncamba ya kiumîri, ntûrûme îmwe, gatûrûme ka mwanka ûmwe ga kîgongwana kîra kîbîîthagua, 58 nthenge îmwe ya kîgongwana n'ûntû bwa meeyia, 59 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Ngamarieri mwana wa Pendasuri.
60 Ntugû ya kenda Abindani mwana wa Ngindioni mûtongoria wa antû ba Benjameni areeta kîewa gîake. 61 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 62 mbakûri ya thaabu ya ûrito bwa sekeri îkûmi, yûûyûri macoco, 63 ncamba ya kiumîri, ntûrûme îmwe, gatûrûme ka mwanka ûmwe ga kîgongwana gîa kûbîîthua, 64 nthenge îmwe ya kîgongwana n'ûntû bwa wîyia, 65 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Abindani mwana wa Ngindioni.
66 Ntugû ya îkûmi Ayeseri mwana wa Amisandaî, mûtongoria wa antû ba Ndani areeta kîewa gîake. 67 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 68 mbakûri ya thaabu ya ûrito bwa sekeri îkûmi, yûûyûri macoco, 69 ncamba ya kiumîri, ntûrûme îmwe, gatûrûme ka mwanka ûmwe ga kîgongwana gîa kûbîîthua, 70 nthenge îmwe ya kîgongwana n'ûntû bwa meeyia, 71 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa gîa Ayeseri mwana wa Amisandaî.
72 Ntugû ya îkûmi na îmwe Pagieri mwana wa Okirani, mûtongoria wa antû ba Aseri, aareeta kîewa gîake. 73 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 74 mbakûri ya thaabu ya ûrito bwa sekeri îkûmi, yûûyûri macoco, 75 ncamba ya kiumîri, ntûrûme îmwe, gatûrûme ka mwanka ûmwe ga kîgongwana gîa kûbîîthua, 76 nthenge îmwe ya kîgongwana n'ûntû bwa wîyia, 77 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa gîa Pagieri mwana wa Okirani.
78 Ntugû ya îkûmi na ciîrî Aira mwana wa Enani, mûtongoria wa antû ba Nabutarî, aareeta kîewa gîake. 79 Kîewa gîake kîarî mbakûri îmwe ya fetha ya ûrito bwa sekeri îgana rîa mîrongo îthatû, karaî ka ûrito bwa sekeri mîrongo mûgwanja, kûringana na ithimi bia Nyomba ya Ngai, na mbakûri na karaî ciaûyûri mûtu ûkimanîîtue na maguta birî bia kîewa kîa irio, 80 mbakûri ya thaabu ya ûrito bwa sekeri îkûmi, yûûyûri macoco, 81 ncamba ya kiumîri, ntûrûme îmwe, gatûrûme ka mwanka ûmwe ga kîgongwana gîa kûbîîthua, 82 nthenge îmwe ya kîgongwana n'ûntû bwa wîyia, 83 na ncamba ciîrî, ntûrûme itaano, nthenge itaano, na tûtûrûme tûtaano twa ûkûrû bwa mwanka ûmwe, ira ikaarutwa kîrî kîgongwana kîa ngwatanîro. Gîku i kîo kîarî kîewa kîa Aira mwana wa Enani.
84 Bibu i bio biewa bia atongoria ba Isiraeri bia kwathûra kîthînjîro rîra gîgîîtûûrîrua maguta; thaani îkûmi na ciîrî cia fetha, tûraî îkûmi na twîrî na mbakûri cia thaabu îkûmi na ciîrî. 85 Wa kîra thaani ya fetha yarî na ûrito bwa sekeri îgana rîa mîrongo îthatû, na wa kîra karaî kaarî na ûrito bwa sekeri mîrongo mûgwanja. Ûrito bwa into bibu bia fetha bionthe bûringanîrîtwe bwarî sekeri ngiri ciîrî cia magana mana kûringana na kîthimi gia sekeri kîa Nyomba ya Ngai. 86 Nacio mbakûri îkûmi na ciîrî cia thaabu, ciûyûri macoco, wa îra îmwe îrî na ûrito bwa sekeri îkûmi, kûringana na kîthimi gia sekeri kîa Nyomba ya Ngai, thaabu yonthe îra yarûthîîte mbakûri inu yarî na ûrito bwa sekeri îgana rîa mîrongo îîrî. 87 Nyamû cia igongwana bia kûbîîthua cionthe nacio ciarî; ncamba cia kiumîri îkûmi na ciîrî, ntûrûme îkûmi na ciîrî, na ntûrûme cia ûkûrû bwa mwanka ûmwe îkûmi na ciîrî, amwe na kîewa kîa irio. Nthenge îkûmi na ciîrî ciatûmîîrwe irî cia kîgongwana n'ûntû bwa wîyia. 88 Nyamû ira ciarutirwe irî cia kîgongwana kîa ngwatanîro i ncamba mîrongo îîrî na inya, ntûrûme mîrongo îthanthatû, nthenge mîrongo îthanthatû na tûtûrûme twa mwanka ûmwe twarî mîrongo îthanthatû. Bibu i bio biarî biewa bia kwathûra, kîthînjîro kîarîîkia gwîtûûrîrua maguta.
89 Rîra Musa aathûûngîîre Îrema rîa Kûrîîkanaga kwaria na Mwathani, eegua kayû ka Mwathani akîmwarîria arî gîtîîni gîa kîao kîra kîarî îgûrû rîa îthandûkû rîa maathana ma kîrîîkanîro, gatîgatî ka makerubi maîrî maarî na mathabu.