GÛTARA
Gûtarwa kwa mbere
1
1 Mwathani n'ariirie na Musa arî Îremaani rîa Kûrîîkanaga naara baarî rwanda rwa Sinai, ntugû ya mbere ya mweri wa îîrîa mwanka wa îîrî nyuma ya antû ba Isiraeri bakuuma Miisiri amwîra, 2 “Taraani antû bonthe ba Isiraeri kûringana na mariiko na mîîrîga yao. Bwandîke mariîtwa ma antû arûme bonthe ûmwe kwa ûmwe, 3 bara barî na ûkûrû bwa mîanka mîrongo îîrî na nkûrûki bara baûmba kûthi ndûani. Woû na Arûni bûkabaandîka kûringana na ikundi biao. 4 Na kwîgue kûrî na muntû mûrûme ûmwe, mûtongoria wa mûciî kuuma kîrî woora mwîrîga wa gûgûteethagia. 5 Mama i mo mariîtwa ma antû arûme bara bagaagûteetheeria:Kuuma mwîrîga wa Rubeni: Erisuri mwana wa Sendeuri.
6 Wa kuuma mwîrîga wa Simioni: Serumieri mwana wa Surisandai.
7 Wa kuuma mwîrîga wa Njunda: Naasoni mwana wa Aminandabu.
8 Wa kuuma mwîrîga wa Isakaari: Nethaneri mwana wa Suari.
9 Wa kuuma mwîrîga wa Seburuni: Eriabu mwana wa Eroni.
10 Wa kuuma gatîgatî ka aana ba Njosebu;
wa kuuma mwîrîga wa Eburaimu: Erisama mwana wa Amiundi;
na wa kuuma mwîrîgaani wa Manase: Ngamarieri mwana wa Pendasuri.
11 Kuuma mwîrîga wa Benjameni: Abindani mwana wa Ngindioni.
12 Kuuma mwîrîga wa Ndani: Ayeseri mwana wa Amisandaî.
13 Kuuma mwîrîga wa Aseri: Pagieri mwana wa Okirani.
14 Kuuma mwîrîga wa Ngandi: Eriasabu mwana wa Ndeweri.
15 Kuuma mwîrîga wa Nabutarî: Aira mwana wa Enani.
16 “Antû baba baarî atongoria ba mîîrîga ya Isiraeri na baathuurîîtwe i Ngai kuuma kîrî antû. 17 Musa na Arûni beethîrania antû babu, antû arûme bara bagweteetwe mariîtwa maao. 18 Na ntugû wenu beethîrania antû bonthe ba Isiraeri. Antû bonthe baatarwa kûringana na biûyûûyû biao na mîîrîga yao na mîciî yao. Antû arûme ba Isiraeri bara baarî na ûkûrû bwa mîanka mîrongo îîrî kana nkûrûki baandîkwa ûmwe kwa ûmwe. 19 Wa ta bûra Mwathani aathîîte Musa, ûgu i bu aabatarîîre naagu rwanda rwa Sinai.”
20 Antû ba mwîrîga wa Rubeni, gîtûra îria kîa Njakubu.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 21 Mûtari wa antû ba mwîrîga wa Rubeni warî antû ngiri mîrongo îna na ithanthatû, cia magana mataano.
22 Antû ba mwîrîga wa Simioni.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 23 Mûtari wa antû ba mwîrîga wa Simioni warî antû ngiri mîrongo itaano na kenda, cia magana mathatû.
24 Antû ba mwîrîga wa Ngandi.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 25 Mûtari wa antû ba mwîrîga wa Ngandi warî antû ngiri mîrongo îna na itaano, cia magana mathanthatû ma mîrongo îtaano.
26 Antû ba mwîrîga wa Njunda.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 27 Mûtari wa antû ba mwîrîga wa Njunda warî antû ngiri mîrongo mûgwanja na inya, na magana mathanthatû.
28 Antû ba mwîrîga wa Isakaari.
Antû arûme ba ûkûrû bwa mîanka mîrongo îîrî kana nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 29 Mûtari wa antû ba mwîrîga wa Isakaari warî antû ngiri mîrongo îtaano na inya, na magana mana.
30 Antû ba mwîrîga wa Seburuni.
Antû arûme ba ûkûrû bwa mîanka mîrongo îîrî kana nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 31 Mûtari wa antû ba mwîrîga wa Seburuni warî antû ngiri mîrongo îtaano na mûgwanja, cia magana mana.
32 Antû ba mwîrîga wa Eburaimu mwana wa Njosebu.
Antû arûme ba ûkûrû bwa mîanka mîrongo îîrî kana nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 33 Mûtari wa antû ba mwîrîga wa Eburaimu warî antû ngiri mîrongo îna, cia magana mataano.
34 Antû ba mwîrîga wa Manase.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 35 Mûtari wa antû ba mwîrîga wa Manase warî antû ngiri mîrongo îthatû na ciîrî, cia magana maîrî.
36 Antû ba mwîrîga wa Benjameni.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 37 Mûtari wa antû ba mwîrîga wa Benjameni warî antû ngiri mîrongo îthatû na itaano, cia magana mana.
38 Antû ba mwîrîga wa Ndani.
Antû arûme ba ûkûrû bwa mîanka mîrongo îîrî kana nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 39 Mûtari wa antû ba mwîrîga wa Ndani warî antû ngiri mîrongo îthanthatû na ciîrî, na magana mûgwanja.
40 Antû ba mwîrîga wa Aseri.
Antû arûme ba ûkûrû bwa mîanka mîrongo îîrî kana nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 41 Mûtari wa antû ba mwîrîga wa Aseri warî antû ngiri mîrongo îna na îmwe, na magana mataano.
42 Antû ba mwîrîga wa Nabutarî.
Antû arûme ba ûkûrû bwa mîanka mîrongo îîrî na nkûrûki bara bakîûmba kûrûa i baandîkirwe na mariîtwa maao, ûmwe kwa ûmwe, kûringana na mîîrîga na mîciî yao. 43 Mûtari wa antû ba mwîrîga wa Nabutarî warî antû ngiri mîrongo îtaano na ithatû, na magana mana.
44 Baba i bo antû bara baatarirwe in Musa na Arûni bagîtethagîîrua n'atongoria îkûmi na baîrî ba Isiraeri woora ûmwe wao akîrûngamagîîra mûciî wao. 45 Antû ba Isiraeri antû arûme ba ûkûrû bwa mîanka mîrongo îîrî na nkûrûki bara bakîûmba kûrûa baatarirwe kûringana na mîciî yao. 46 Antû bonthe baarî antû ngiri magana mathanthatû ma ithatû, cia magana mataano ma mîrongo îtaano.
47 Îndî mîciî ya mwîrîga wa Rawi îtaataranîrua amwe na antû bara bangî. 48 Mwathani aarî akwîra Musa ata rî: 49 “Ûtigaatare antû ba mwîrîga wa Arawi amwe na antû bara bangî ba Isiraeri. 50 Îndî ûthuure Arawi batuîke acûûbîri ba îrema rîa îthandûkû, into biarîo bionthe na kîra gîntû kîrî ndeeni yaarîo; bakeegua bakîrîkamata amwe na into biarîo bionthe. Bagatûmîkaga ndeeni yarîo na bakeenjagîra marema maao marîthiûrûkîrîîte. 51 Kaîrî kagiita ka îrema gûkûûrwa, Arawi i bo bakaarîkûûraga na kagiita ka îrema kwînjîrwa Arawi i bo bakaarîînjagîra. Na wegua kûrî muntû ûngî akaaya aakubî narîo n'akaûragwa 52 Aisiraeri bara bangî bakeenjîra marema maao ikundi ikundi, woora muntû ndeeni ya gîkundi gîake na ruungu rwa bendeera yake. 53 Îndî Arawi bakeenjîra marema maao mathiûrûkîîte îrema rîa îthandûkû rîa maathana, barîkarîîtie kaingo muntû nwa ûrîkû ûra atarî mûthînjîri kana Mûrawi atikaaye kûrîtheengeera na gûtûma mûthûûro wakwa wankana îgûrû rîa kîrîîndî gîa antû ba Isiraeri; kwoogu Arawi bakaamenyagîîra îrema rîa îthandûkû rîa maathana.” 54 Kwoogu Aisiraeri baarûtha kûringana na bûra bunthe Mwathani aathîîte Musa.