Kafooŋi, yyefugofooŋi taŋwɔhɔge
142
Dawuda kàlaŋi wà,
mà u yaha ɲaŋgyige e.
Kileɲarage.
2 Mii à tùbili wà Kafooŋi Kile á maa u yyere,
mii à tùbili wà Kafooŋi á maa u ɲáare.
3 Mii à na kaleeŋkii puni jwo u á,
maa na nàvunŋɔ karigii jwo u á.
4 Mii yatanɲyi ká a ŋkwûu,
mu maha mii tashage cè,
kuni i mii na wà ke,
pi à kànhaŋa cyán mii yyaha na lʼe.
5 Kàanmucyaga pyi a wíi na ŋkère na,
sùpya ɲyɛ a sìi ŋgemu u à yaha mii na mɛ,
taŋwɔhɔgɔ ɲyɛ mii na mɛ,
mii kani ɲyɛ a sùpya funŋɔ pɛn mɛ.
6 Mu mii ɲyɛ na ɲáare Kafooŋi,
mii à jwo:
«Mu u ɲyɛ mii taŋwɔhɔge,
mu u ɲyɛ mii nàzhanŋi ɲìŋke na ɲyiishiinbii shwɔhɔlʼe.
7 Ma niŋgyiini cyán na ɲarage na,
ɲaha kurugo yɛ,
mii fànhʼà sàa kwɔ̀.
Na shwɔ na kyéregefeebii na,
ɲaha kurugo yɛ,
pi fànhʼà ɲyaha mii woge na.
8 Na yige kàsuŋi i,
lire ká mpyi,
mii sí fwù kan mu á.
Shintíibii sí mii kwûulo,
ɲaha kurugo yɛ,
mu à ɲwɔ mii na.»