Izirayɛli shiinbii parage mà pi yaha bilere e
137
Mà wuu nintɛɛnbii yaha Babilɔni baŋi ɲwɔge na,
wuu funŋʼà cwo Siyɔn na ke,
ka wuu u mɛɛ sú.
2 Ka wuu u wuu ŋkɔ̀nɔbii wwûlʼa dùrugo
cipyɛɛre e wani.
3 Mpii pi mpyi a wuu cû a kàre bilere na wani ke,
ka pire si jwo na wuu a myahigii cêe.
Wuu kyaalafeebilʼà jwo na wuu a funntanga mɛɛ cêe.
Pi à jwo:
«Yii Siyɔn mɛɛni là cêe wuu á.»
4 Mà wuu yaha kìni labɛrɛ taare na,
di wuu sí Kafooŋi Kile mɛɛni cêe n-jwo yɛ?
5 Zheruzalɛmu,
mii funŋɔ ká wwɔ̀ mu na,
na kàniŋɛ cyɛge yaha ku funŋɔ wwɔ̀ ŋkɔ̀nnɔŋi bwɔ̀nŋkanni na.
6 Ná mii ɲyɛ a yákili yaha mu na mɛ,
ná mii ɲyɛ a Zheruzalɛmu wíi yaaga
mà tòro na funntanga yaayi puni taan mɛ,
na ɲjini li tàra a kwôro na ɲjirintaŋi na.
7 Kafooŋi,
funŋɔ cwo Zheruzalɛmu canjyage na,
ma a Edɔmu shiinbii sâra,
pire pi à jwo:
«Yii ku jya,
yii ku jya fo núcyange.»
8 Mu Babilɔni balʼa?
Li sàha sì mɔ mɛ,
mu sí n-cwɔ̀nhɔnɔ.
Kapiini mu à pyi wuu na ke,
sùpyaŋi u sí lire fiige pyi mu na ke,
uru wuunʼà ɲwɔ.
9 Mpii pi sí mu nànkwopyire cû si ti kwôro kafaage na ke,
pire wuunʼà ɲwɔ.