Tɛgɛlɛ ɲyɛ Kile cɛ̀nmpe na mɛ.
136
Yii fwù kan Kafooŋi Kile á,
ɲaha na yɛ,
u à ɲwɔ.
Tɛgɛlɛ ɲyɛ u cɛ̀nmpe na mɛ.
2 Kileŋi u à fànha tò kilebii puni na ke,
yii fwù kan urʼá.
Tɛgɛlɛ ɲyɛ u cɛ̀nmpe na mɛ.
3 Kafooŋi u à fànha tò kafeebii puni na ke,
yii fwù kan urʼá.
Tɛgɛlɛ ɲyɛ u cɛ̀nmpe na mɛ.
4 Uru kanni u maha kabwɔhigii pyi.
Tɛgɛlɛ ɲyɛ u cɛ̀nmpe na mɛ.
5 Uru u à nìɲyiŋi dá u yákilifente funŋke e.
Tɛgɛlɛ ɲyɛ u cɛ̀nmpe na mɛ.
6 Uru u à ɲìŋke pyi kʼà tɛ̀ɛn lwɔhe ɲuŋʼi.
Tɛgɛlɛ ɲyɛ u cɛ̀nmpe na mɛ.
7 Uru u à nìɲyiŋi bɛ̀ɛnmpe yabwoyi dá.
Tɛgɛlɛ ɲyɛ u cɛ̀nmpe na mɛ.
8 Uru u à canŋaɲyiini tìŋɛ canŋke ɲuŋɔ na.
Tɛgɛlɛ ɲyɛ u cɛ̀nmpe na mɛ.
9 Uru u à yiŋke ná wɔrigii tìŋɛ numpilage ɲuŋɔ na.
Tɛgɛlɛ ɲyɛ u cɛ̀nmpe na mɛ.
10 Uru u à Misira shiinnbii pyìcyiibii bò.
Tɛgɛlɛ ɲyɛ u cɛ̀nmpe na mɛ.
11 Maa Izirayɛli shiinbii yige pi shwɔhɔlʼe.
Tɛgɛlɛ ɲyɛ u cɛ̀nmpe na mɛ.
12 U à pi ɲùŋɔ wwû ná u fanhaɲyahaga sífente e.
Tɛgɛlɛ ɲyɛ u cɛ̀nmpe na mɛ.
13 U à Suumpe Lwɔhe Niɲyage táa shuunni.
Tɛgɛlɛ ɲyɛ u cɛ̀nmpe na mɛ.
14 Maa Izirayɛli shiinbii jyiile ku niŋke e.
Tɛgɛlɛ ɲyɛ u cɛ̀nmpe na mɛ.
15 U à Suumpe Lwɔhe Niɲyage pyi kʼà Farɔn ná u kàshicyage shiinbii lyî.
Tɛgɛlɛ ɲyɛ u cɛ̀nmpe na mɛ.
16 U à u shiinbii yyaha cû síwage e.
Tɛgɛlɛ ɲyɛ u cɛ̀nmpe na mɛ.
17 U à sanbwoyi yà kakyara.
Tɛgɛlɛ ɲyɛ u cɛ̀nmpe na mɛ.
18 Saanbii pi à tanha ke,
u à pire bò
Tɛgɛlɛ ɲyɛ u cɛ̀nmpe na mɛ.
19 Amɔri shiinbii saanŋi Siyɔni,
Tɛgɛlɛ ɲyɛ u cɛ̀nmpe na mɛ.
20 Ná Ɔgi,
Basan shiinbii saanŋi.
Tɛgɛlɛ ɲyɛ u cɛ̀nmpe na mɛ.
21 U à pi kìrigii pyi kɔɔgɔ.
Tɛgɛlɛ ɲyɛ u cɛ̀nmpe na mɛ.
22 U à cyi pyi kɔɔgɔ u báarapyibii Izirayɛli shiinbilʼá.
Tɛgɛlɛ ɲyɛ u cɛ̀nmpe na mɛ.
23 Uru u mpyi maha yákili yaha wuu na wuu yyefuge tèni i.
Tɛgɛlɛ ɲyɛ u cɛ̀nmpe na mɛ.
24 Uru u à wuu yige wuu kyérege feebii cye e.
Tɛgɛlɛ ɲyɛ u cɛ̀nmpe na mɛ.
25 Uru u ɲyɛ na ɲyiyaayi puni ɲwɔ caa.
Tɛgɛlɛ ɲyɛ u cɛ̀nmpe na mɛ.
26 Yii fwù kan nìɲyiŋi Kileŋi á.
Tɛgɛlɛ ɲyɛ u cɛ̀nmpe na mɛ.