Mii à na sɔ̀nŋɔre taha Kafooŋi na
131
Zheruzalɛmu ŋkàreŋi mɛɛni là.
Dawuda mɛɛmi là.
Kafooŋi Kile,
yàampeenɛ ɲyɛ mii zòmbilini i mɛ,
mii ɲyɛ a naye pêe mɛ.
Mii ɲyɛ na sɔ̂nŋi kabwɔhii na mɛ,
Karigii cyi à tòro mii taceŋke taan ke,
mii ɲyɛ na sɔ̂nŋi cyire na mɛ.
2 Mii à cû naye na maa ntɛ̀ɛn tanuge e,
mu à jwo pyà u à tìn u nuŋi jirini i.
Mii funŋkʼà ɲyíŋɛ uru pyàŋi fiige.
3 Izirayɛli,
ma sɔ̀nŋɔre taha Kafooŋi na,
mà lwɔ́ numɛ na fo tèekwombaa.