Mii na mu ɲyii cyáan Kafooŋi
130
Zheruzalɛmu ŋkàreŋi mɛɛni là.
Mà mii yaha yyefuge wyige e,
mii na mu yiri,
Kafooŋi Kile.
2 Kafooŋi,
na jwumpe lógo,
ma niŋgyiini cyán na ɲarage na.
3 Kafooŋi,
ká mpyi mu mpyi a wuu kapegigii yaha maye funŋʼi,
jo u mpyi na sí n-jà n-zhwɔ yɛ?
4 Ŋka mu u ɲyɛ yàfaŋi foo,
lire kurugo sùpyire na fyáge mu yyaha na maa mu pêre.
5 Mii à na sɔ̀nŋɔre taha Kafooŋi na,
mii à naye tíiŋɛ u na,
mii à dá u jwumpe na.
6 Mii na Kafooŋi sigili,
mà tòro saɲcwɔnsigebii ɲyɛ̀mugore zigeŋi na,
sèe mii na u sigili
mà tòro saɲcwɔnsigebii ɲyɛ̀mugore zigeŋi na.
7 Izirayɛli,
ma sɔ̀nŋɔre taha Kafooŋi na,
ɲaha na yɛ cɛ̀nmpe na ɲyɛ Kafooŋi i,
urʼá ɲùŋgwuurʼa sii na ntaa.
8 Uru u sí Izirayɛli shwɔ,
u ntìimbaaŋi karigii puni na.