Kafooŋi u ɲyɛ yyefugofooŋi shwofooŋi
129
Zheruzalɛmu ŋkàreŋi mɛɛni là.
Mà lwɔ́ fo mii nàŋkocyɛɛre e,
mii zàmpɛɛnbilʼà mii kyaala.
Izirayɛli u puru jwo:
2 «Mà lwɔ́ fo mii nàŋkocyɛɛre e,
mii zàmpɛɛnbilʼà mii kyaala,
ŋka pi ɲyɛ a jà mii na mɛ.»
3 Pi à mii tùbuŋi kwɔ̀n,
bà faapyiŋi maha mpùtɔɔnrɔ kwɔ̀n mɛ.
4 Ŋka Kafooŋi Kile à tìi,
yapwoyi shinpiibii mpyi a bégele ke,
u à yire kwɔ̀n.
5 Mpii pi ɲyɛ ná Siyɔn màpɛnge e ke,
pire puni pi sílegʼa núru kàntugo.
6 Pi pyi kàtanŋa ɲuŋɔ ɲyɛgɛ,
ku sàha fyîn a kwɔ̀ mɛ ku sʼà waha.
7 Ku kwɔnfooŋi ɲyɛ na cyeɲyɛgɛ taa kʼe mɛ,
ku pwɔfooŋi bà ɲyɛ na jà a kàmpaa ta mɛ.
8 Kuntorobii sì n-jwo:
«Kafooŋi u pyi ná yii e,
wuu na jwó leni yii á Kafooŋi mɛge na» mɛ.