Kile ɲwɔmɛɛni cùvooŋi wuunʼà ɲwɔ.
128
Zheruzalɛmu ŋkàreŋi mɛɛni là.
Mpii pi ɲyɛ na fyáge Kafooŋi Kile na,
maa ɲaare u kurigilʼe ke,
pire wuunʼà ɲwɔ.
2 Mu sí ma faaŋi nimpyiŋi tɔ̀ɔnŋi ta,
mu sí n-pyi yyeɲiŋke e,
mu cyeleŋkarigii puni sí raa ɲwɔge.
3 Mu pyɛnge e,
mu cwoŋi sí n-pyi mu à jwo ɛrɛzɛn cige ku ɲyɛ na seni ke,
mu pyìibii sí mu talyige kwûulo,
mu à jwo oliviye ciye yʼà fyîn kàavo.
4 Lire pyiŋkani na,
shinŋi u ɲyɛ na fyáge Kafooŋi na ke,
uru wuunʼà ŋwɔ.
5 Kafooŋi u jwó le ma á mà yîri Siyɔn e.
Mu sí Zheruzalɛmu yyeɲiŋke ɲya ma shìŋi canmpyaagii puni i.
6 Mu sí ma pyìibii u pyìibii ɲya.
Yyeɲiŋke ku pyi Izirayɛli á.