Kafooŋi à yyetanhare kɛ̂ɛnŋʼa pyi funntanga
126
Zheruzalɛmu ŋkàreŋi mɛɛni là.
Kafooŋi Kile à shincumpii yiige bilere e,
mà núrʼa pa Siyɔn e tèni ndemu i ke,
lʼà pyi wuu á ŋɔɔgɔ fiige.
2 Ɲyɛ ka wuu ɲwɔyi si ɲî kataanre na,
ka wuu ɲjìrigii sí funntanga myahii cêe.
Supyishiŋi sanŋʼà jwo na:
«Kafooŋi à kabwɔhii pyi pi á.»
3 Ɔɔn,
Kafooŋi à kabwɔhii pyi wuu á,
lire kurugo wuu ɲyɛ funntange e.
4 Kafooŋi,
wuu shiinbii pi à cû ke,
pi núruŋʼa kan wuu á,
bà síwage dùyi maha zànhe lwɔhe taa mɛ.
5 Mpiimu ka nùgonte pyi ɲyilwɔhe e ke,
pire maha sùmaŋi kwɔ̀n ná funntanga myahigilʼe.
6 Ŋgemu mɛɛsuwu u à kàre ná u nùgozhiŋi i ke,
uru funtangawuŋi sí núru ná kàmpahigilʼe.