Kafooŋi u ɲyɛ wuu shwofooŋi
124
Zheruzalɛmu ŋkàreŋi mɛɛni là.
Dawuda mɛɛni là.
«Ná Kafooŋi Kile mpyi ná wuu e mɛ,»
Izirayɛli tùluge shiinbii pi puru jwo:
2 «Ná Kafooŋi mpyi ná wuu e mɛ,»
ka wuu zàmpɛɛnbii sí yîri wuu kurugo,
3 pi lùyiriwuubii mpyi na sí wuu ɲyiiwuubii jò ŋkwɔ̀.
4 Lufompe mpyi na sí wuu lwɔ́,
lwɔhe mpyi na sí wuu lyî.
5 Lùfuuɲyjirige mpyi na si ŋkàre ná wuu e.
6 Kafooŋi u kêe,
uru u ɲyɛ u ɲyɛ a ɲɛnʼa wuu yaha zàmpɛɛnbii cye e mɛ.
7 Wuu múnahigilʼà shwɔ,
bà sanɲcyɛɛn maha shwɔ gíliŋi na mɛ.
Mɛɛrʼà kwɔ̀n,
wuu à shwɔ.
8 Wuu ntɛ̀gɛŋi na yîri Kafooŋi yyére,
uru ŋgemu u à nìɲyiŋi ná ɲìŋke yaa ke.