Yyefugofoo kileɲarage
123
Zheruzalɛmu ŋkàreŋi mɛɛni là.
Mii à na ɲyiigii le mu i,
mu u ɲyɛ nìɲyiŋi i fànhafente e ke.
2 Bà bilinampii ɲyiigii maha mpyi pi ɲùŋufooŋi cyɛge na mɛ,
bà bilicwoŋi ɲyiigii maha mpyi u ɲùŋufeɲcwoŋi cyɛge na mɛ,
amuni wuu ɲyiigii ɲyɛ Kafooŋi Kile wuu Kileŋi na,
na u ɲùɲaare sigili.
3 Ɲwɔ wuu na,
Kafooŋi,
ɲùɲaara ta wuu na,
ɲaha na yɛ,
fahantʼà wuu tìn fo mà tòro.
4 Wuu zòmpilʼà ɲî
kafwɔhɔrɔfeebii ná yàampeentefeebii fahante na fo mà tòro.