Kile u yyeɲiŋke kan Zheruzalɛmu kànhʼá
122
Zheruzalɛmu ŋkàreŋi mɛɛni là.
Dawuda mɛɛni là.
Mii funŋke mpyi a táan sèlʼe,
tèni i pi à mii pyi na
wuu a sì Kafooŋi Kile bage e ke.
2 Zheruzalɛmu,
wuu niɲjyerebii pi mpii,
wuu niɲjyerebii pi mpii mu tajyiɲwɔyi na!
3 Zheruzalɛmu,
mu à faanrʼa ɲwɔ,
kàsɔɔge niŋkin à mu kwûulʼa ɲwɔ.
4 Wani tùluyi maha sì,
Kafooŋi tùluyi puni maha sì na u mɛge pêre wani.
Pi maha ŋkàrʼa sà Kafooŋi kêe wani bà yʼà jwo Izirayɛli shiibilʼá mɛ.
5 Wani saanbii tatɛɛnge ɲyɛ yukyaani mɛɛ na.
Wani Dawuda tùluge shiinbii saanre tatɛɛnge ɲyɛ.
6 Yii a li ɲáare yyeɲiŋke ku sàa pyi Zheruzalɛmu i.
«Zheruzalɛmu,
fɛrɛmpe pu pyi ma tàanɲɛɛbilʼá.
7 Yyeɲiŋke ku pyi mu kàsɔɔge funŋke e,
fɛrɛmpe pu pyi mu saanre bayi i.»
8 Mii na li ɲáare mii cìnmpyiibii ná mii ceveebii kurugo,
ma a yyeɲiŋɛ ta.
9 Wuu Kafooŋi Kile bage kurugo,
mii na li ɲáare mu cyeleŋkarigii cyi ɲwɔ.