Kafooŋi Kile u ɲyɛ Izirayɛli sanɲcwɔnsigiŋi
121
Zheruzalɛmu ŋkàreŋi mɛɛni là.
Mii à ɲùŋke yîrige maa ɲaɲyi wíi,
Taha mii ntɛ̀gɛŋi sí n-yîri ke?
2 Mii ntɛ̀gɛŋi sí n-yîri Kafooŋi Kile yyére,
nìɲyiŋi ná ɲìŋke dávooŋi.
3 U sì ɲɛɛ mu tɔɔge ku tɛ̂rɛlɛ mɛ,
ŋɔ́ɔnɔ sì mu sanɲcwɔnsigiŋi shwɔ mɛ.
4 Sèeŋi na Izirayɛli sanɲcwɔnsigiŋi sì ŋɔ́ɔ mɛ,
u ɲyiini sì n-tò mɛ.
5 Kafooŋi u ɲyɛ mu sanɲcwɔnsigiŋi,
Kafooŋi na ɲyɛ mbyimɛ mu nìɲyi na.
U na ɲyɛ ná mu i.
6 Canŋke e,
canŋaɲyiini sì mu súugo mɛ,
yiŋke mú sì yaaga pyi mu na numpilage e mɛ.
7 Kafooŋi sí mu sanɲcwɔnŋi sige kakyaare puni na,
u sí raa mu munaani sanɲcwɔnŋi sigili.
8 Kafooŋi sí raa mu niŋkariŋi ná mu ninuruŋi sanɲcwɔnŋi sigili,
mà lwɔ́ numɛ na fo tèekwombaa.