Izirayɛli tùlugʼà mɛɛ sú yyefuge na
120
Zheruzalɛmu ŋkàreŋi mɛɛni là.
Mii yyefugowuŋʼà mɛɛ wà Kafooŋi Kile á,
ka u u mii ɲwɔ shwɔ.
2 Kafooŋi,
na shwɔ kafinivinibii ɲwɔyi,
ná nàɲwɔnhɔre pyifeebii ɲjìrigii na.
3 Ɲjìrigii cyi ɲyɛ na nàɲwɔhɔre pyi ke,
ɲaha cyire sí n-ta yɛ?
Ɲaha ku sí n-kan cyirʼá yɛ?
4 Kàshikwɔɔnbii tàanbii pi à fírige maa pi bya ná nage e ke,
pire pi sí n-kan pi á.
5 Mii wuunʼà kɛ̀ɛge,
ɲaha kurugo yɛ,
mii à tɛ̀ɛn Mesɛki i,
maa sà naye ta Kedaria vàanɲyi bayi shwɔhɔlʼe.
6 Yyeɲiŋkʼà pɛn mpimu á ke,
mii à sàa mɔ tɛɛnni i pire shwɔhɔlʼe.
7 Mii aha yyeɲiŋke kyaa jwo tère o tère e ke,
pire maha kàshige kyaa jwo.