Kile kabwɔhigii Izirayɛli shiinbilʼá
114
Izirayɛli shiinbilʼà fworo Misira kìni i,
ka Yakuba shiinbii si wâlʼa láha supyishiŋi sanŋi na ke,
2 Zhuda u à pyi Kafooŋi Kile tatɛɛnge niɲcɛnŋke,
ka Izirayɛli si mpyi u màrampe.
3 Suumpe lwɔhʼà pi ɲya ke,
maa fê,
ka Zhurudɛn baŋi si núru kàntugo yyére.
4 Ɲaɲyʼà yi mpàpee fiige,
ka mpògigii si yi mpàpyire fiige.
5 Suumpe lwɔhe,
ɲaha na mu à fê yɛ?
Zhurudɛn baŋi,
ɲaha na mu à núru kàntugo yyére yɛ?
6 Ɲaɲyi,
ɲaha na yii à yi mpàpee fiige yɛ?
Mpògogii,
ɲaha na yii à yi mpàpyire fiige yɛ?
7 Ɲìŋke,
ta ɲcyɛ̂ɛnni Kafooŋi yyaha na,
Yakuba u Kileŋi yyaha na.
8 Uru u maha kafaage kɛ̂ɛnŋʼa pyi lwɔhɔ cyaga,
maa kafawage kɛ̂ɛnŋʼa pyi lùbiliwe.