Saanŋi u ɲyɛ sáragawwuŋi ke
110
Dawuda mɛɛni là.
Kafooŋi Kile à jwo mii Kafooŋi á,
ta ma a pa ntɛ̀ɛn na kàniŋɛ cyɛge na,
fo mii aha mu zàmpɛɛnbii le mu tooyi ɲwɔhʼi.
2 Kafooŋi sí là bâra mu saanre kàbiini tɔɔnre na ma lwɔ́ Siyɔn na.
Mu sí n-pyi ma zàmpɛɛnbii ɲuŋɔ na.
3 Canŋke mu sí kàshige kwɔ̀n ke,
mu shiinbii sí n-pa piyʼá,
si bâra mu na.
Ɲyɛ̀kwɔnge na,
mu nàɲjiibii sèewuubii sí n-fyâa n-sà piye kan mu á.
4 Kafooŋi à kâa,
u sì n-yîri u ɲwɔmɛɛni ɲuŋi i mɛ.
Mu à pyi tèrigii puni i sáragawwu
Mɛlikisedɛki fiige.
5 Kafooŋi na ɲyɛ mu kàniŋɛ cyɛge na,
u sí saanbii cwɔ̀nhɔnɔ u lùyirini canŋke.
6 U sí yoge kwɔ̀n supyishiŋi na,
si ɲìŋke puni ɲùŋufeebii cwɔ̀nhɔnɔ,
cyeyi puni sí n-pyi kwuu.
7 Kuni na,
u sí dùge lwɔhe bya,
u sí ɲùɲjirere ta.