Sùpyire punʼà yaa pi a Kile kêre
100
Fwùkan mɛɛni
Ɲìŋke sùpyire puni,
yii a funntanga kwuuyi wáa Kafooŋi Kile à.
2 Yii a báare Kafooŋi á ná funntange e,
Yii file u na ná funntanga nimbwɔhe e.
3 Yii li cè na Kafooŋi u ɲyɛ Kile.
Uru u à wuu dá,
wuu na ɲyɛ u wuu.
Wuu pi ɲyɛ u shiinbii ná u mpàkuruŋke,
u maha ŋkemu nâha ke.
4 Yii jyè u bage e ná pèente myahigilʼe,
u pyɛnge funŋke e,
yii u kêe.
Yii fwù kan u á,
yii i u mɛge kêe.
5 Ɲaha na yɛ,
Kafooŋi à ɲwɔ,
u cɛ̀nmpe sì n-kwɔ̀ mɛ,
u ɲwɔmɛfente sí n-kwôro fo tèekwombaa.