Wuu Kilebwoŋi à yaa ná ŋkèeŋi i
99
Kafooŋi Kile na ɲyɛ Saanwa,
sùpyire na ɲcyɛ̂ɛnni.
U saanre yatɛɛnŋke na ɲyɛ Sherubɛɛnbiia nìɲyi na,
ɲìŋke na ɲcyɛ̂ɛnni.
2 Kafooŋi na ɲyɛ yabwɔhɔ Siyɔn kànhe e,
u à sìi sùpyire puni ɲuŋɔ na.
3 Sùpyire tʼa mu mɛge kère,
kʼà pêe maa mpyi fyagara yaaga,
mu mɛgʼà ɲwɔ.
4 Saanŋi fànhaɲyahaga wuŋi,
ntìiŋʼà táan mu ŋgemu á ke,
mu u à katíigii pyi cyi i mpyi.
Mu u à Yakuba shiinbii karigii cwɔɔnrɔ ná ntìiŋi i.
5 Yii a Kafooŋi,
wuu Kileŋi pêre sèlʼe,
yii a niŋkure sínni u tooyʼe,
u à ɲwɔ.
6 Musa ná Arɔn mpyi u sáragawwuubii shwɔhɔlʼe,
Samuwɛli mpyi u pèveebilʼe,
pire mpyi maha Kafooŋi ɲáare,
u mpyi maha pi ɲwɔ shwɔ.
7 U mpyi a tɛ̀ɛn ɲahamɛɛni i maa jwo ná pi e,
ka pi i u yɛrɛyi kuni ɲaara,
maa u tùnnture pyi.
8 Kafooŋi,
wuu Kileŋi,
mu yabiliŋi u à pi ɲwɔ shwɔ.
Mu à pyi pi Kileŋi ŋgemu u maha yàfani pi na ke,
ŋka mu mpyi maha pi kíbili pi kakuuɲyi na.
9 Yii a Kafooŋi,
wuu Kileŋi pêre sèlʼe,
yii a niŋkure sínni u á,
u ɲaŋke niɲcɛnŋke na,
ɲaha kurugo yɛ,
Kafooŋi wuu Kileŋi à ɲwɔ.