Zheruzalɛmu, Kile kànhe niɲcɛnŋke
87
Kore jyaabii mɛɛni là.
Mɛceeni.
Zheruzalɛmu kànhʼà tìŋɛ ɲaɲyi niɲcɛnɲyi ɲuŋʼi.
2 Siyɔn kànhʼà táan Kafooŋi Kile á
mà tòro Yakuba tatɛɛnɲyi sanɲyi puni na.
3 Ei Kile kànhe,
kasinaŋii niɲyahigii na yu mu kyaa na.
Shelaa
4 Mpii pi à mii cè ke,
mii sí Misira shiinbii ná Babilɔni shiinbii tɔ̀rɔ pire shwɔhɔlʼe,
mii mú sí Filisi shiinbii ná Tiri shiinbii ná Etiyopi shiinbii tɔ̀rɔ,
naha pirʼà si.
5 Siyɔn wi ke,
wuu jwo:
«Wani shin maha shin à si.
Nìɲyiŋi u Kileŋi yabiliŋi u à ŋke kànhe tìŋɛ.»
6 Kafooŋi ká wa na supyishiŋi mɛyi sémeni,
u sí n-jwo shi maha shi kyaa na na:
«Naha ŋge à si.»
Shela
7 Mɛceebii ná kwɔ̀hɔkwɔhɔbii puni sí n-jwo:
«Wuu karigii punʼà fworo mu Siyɔn e.»