Kile u ɲyɛ yukyaaŋi nintíiŋi
82
Azafu mɛɛni là.
Kile niɲjyereŋi ɲyɛ u yukyaala kuruŋke shwɔhɔlʼe,
u na yoge kwùun kilebii na:
2 «Yii sí raa yoge kyaali ntìimbaaŋi funŋke e,
sʼa tànge kaan shinpiibilʼá zà nɔ fo ɲaha tère na yɛ?
Shelaa
3 Yii fànhabaafeebii ná círimpii tànge kan pi á,
yii i làbaafeebii ná yyefugofeebii tànge kan pi á.
4 Yii fànhabaafeebii ná fòŋɔfeebii cye yaha,
yii pi shwɔ shinpiibii na.
5 «Yii ɲyɛ a yafyin cè mɛ,
yii ɲyɛ na kyaa yyaha cìni mɛ,
numpini i yii ɲyɛ na ɲaare.
Ɲìŋke na,
ntìiŋi núcyange puni na ɲcyɛ̂ɛnni.
6 Mii mpi à jwo:
“Yii na ɲyɛ kilebii pìi,
ɲjwo yii puni na ɲyɛ nìɲyiŋi u Kileŋi pyìi.”
7 Ŋka,
yii sí n-kwû bà sùpya maha ŋkwû mɛ,
yii sí n-cwo bà ɲùŋufembwɔhɔ maha ɲcwo mɛ.»
8 Ei Kile,
yîri maa yoge kwɔ̀n ɲìŋke na,
ɲaha kurugo yɛ,
supyishiŋi puni ɲyɛ mu wu.