Kile shiinbilʼà yaa pi Kile ɲwɔmɛɛni cû
81
Mɛceŋkuruŋke yyaha yyére shinŋi.
Nde mɛɛni maha ɲcêe ná Gati shiinbii ŋkɔ̀niŋi i.
Azafu mɛɛni là.
2 Yii a myahigii cêe Kile á ná funntange e,
uru u ɲyɛ wuu fànhe.
Yii myahigii cêe ná funntanga nimbwɔhʼe,
yii i Yakuba u Kileŋi kêe.
3 Yii a myahigii cêe ná pìnɲyi,
ná ŋkɔ̀nnɔŋi ná mpòoŋke e.
4 Yii mpuruge wyì yiŋke tasiige e,
yii i ku wyì yiŋke niŋke e wuu kataanni canŋke.
5 Ɲaha kurugo yɛ,
Kile tùnnturo ti mà kan Izirayɛli á,
Yakuba u Kileŋi kajwuu li.
6 Puru yyeshempe u mpyi a le Yusufu shiinbii taan,
tèni i u à Misira shiinbii tùn ke.
Mii à mɛjwuu lógo mii ɲyɛ a ndemu shi cè mɛ na:
7 «Mii à tugure tîrigʼa lwɔ́ pi fukange na,
pi cyeyʼà láha shàhani ninduguni na.»
8 Yii yyefuge tèni i,
yii à mɛɛ wà ke,
mii à yii shwɔ,
mii à yii ɲwɔ shwɔ,
mà mii yaha kiletinni funŋke e.
Mii à yii ɲwɔ wwû Meriba lwɔhe ɲwɔge na.
Shelaa
9 Mii shiinbii,
yii lógo na ɲwɔ na,
mii sí yii sɔ̂nŋɔ n-yaha.
Ei Izirayɛli,
ká mpyi mu mpyi na sí ɲɛɛ n-lógo mii á dɛ!
10 Mʼàha kileŋi wabɛrɛ yaha u ta ma á mɛ,
mʼàha ma niŋkure sín kile nànmpɔnŋɔ taan mɛ.
11 Mii u ɲyɛ Kafooŋi Kile,
mu u Kileŋi.
Mii u à mu yige Misira kìni i.
Ma ɲwɔge múgo sèlʼe,
mii sí ku ɲî.
12 «Ŋka mii shiinbii ɲyɛ a lógo mii á mɛ,
Izirayɛli ɲyɛ a uye kan mii á mɛ.
13 Ɲyɛ,
mii à pi yaha pi niŋgyiwaani cye e,
ka pi i wa na pi ɲyii wogigii pyi.
14 Ei,
ká mpyi mii shiinbii mpyi na sí ɲɛɛ n-lógo mii á,
ká mpyi Izirayɛli mpyi a ɲɛɛ na mii kurigii ɲaare,
15 mii mpyi na sí pi zàmpɛɛnbii bwɔ̀n n-kan pi á tère niŋkin i,
mii mpyi na si na cyɛge kɛ̂ɛnŋɛ pi kyéregefeebii mɛɛ na.
16 Mpii pi ɲyɛ ná Kafooŋi màpɛnge e ke,
pire mpyi na sí n-kúu pi á,
Izirayɛli mú mpyi na sí n-pyi yyeɲiŋke e tèrigii puni i.
17 Mii mpyi na sí raa pi ɲwɔ caa ná sùmaŋi puni niɲcɛnŋi i,
si tuwyiyi sɛɛre kan pi lyî a tìn.»