Yyefugefooŋi tɛgɛfooŋi u ɲyɛ Kile
70
Mɛceŋkuruŋke yyaha yyére shinŋi.
Dawuda mɛɛni là.
Funɲcwugo mɛɛni.
2 Ei Kile,
pa na ɲùŋɔ wwû,
Kafooŋi Kile,
ta fyâa ma a ma a pa na tɛ̀gɛ.
3 Mpii pi ɲyɛ na mii caa raa bùu ke,
pire pi sílige fo si pi ɲùɲyi sôgo.
Mii kayani ɲyɛ mpimu funntanga kyaa ke,
pire pi sàa sílige fo pi núru.
4 Mpii pi ɲyɛ na mii cyàhali:
«Ha ha haa!»
ke,
silige ku pire kɔ̀rʼa núruŋɔ.
5 Ŋka mpii pi ɲyɛ na mu caa ke,
pire puni pi pyi múguriŋi ná funntange e mu kurugo.
Lʼà táan mpimu i mu u pire shwɔ ke,
pire puni pi a ŋko tèrigii puni i:
«Kile à pêe.»
6 Mii wi ke,
mii na ɲyɛ yyefugofoo ná fòŋɔfoo.
Ei Kile,
ta fyâa ma a ma a pa na tɛ̀gɛ.
Mu u ɲyɛ mii tɛgɛfooŋi ná mii ɲùŋgwufooŋi.
Ma hà mɔ mɛ Kafooŋi.