Kile u maha síŋi kaan u wuubilʼá
60
Mɛceŋkuruŋke yyaha yyére shinŋi.
Nde mɛɛni cèeŋkanni mɛgɛ ɲyɛ:
Tumbyaare cire yafyɛɛnre.
Dawuda kàlaŋi mɛɛni là.
2 Siri kìni shiinbii pi ɲyɛ Mezopotami kìni ná Zhoba kwùumpe e ke,
tèni i Dawuda ná pirʼà tùn ke,
lire tèni i u à nde mɛɛni yaa.
Lire kàntugo,
Yohabu à núrʼa pa Edɔmu shiinbii nàmbaa kampwɔhii kɛ na shuunni (12.000) bò suumpe lwɔhe nivwumbaage kàcyage e.a
3 Ei Kile,
mu à cyé wuu na maa pi yaha pi à wuu bwɔ̀n a caala.
Mu lùuni mpyi a yîri wuu taan,
naaŋi ma a ɲɛɛ wuu na sahaŋki.
4 Mu à ɲìŋke cyɛ̂ɛnnɛ fo mà ku laraga.
Ku talarayi tò,
ɲaha kurugo yɛ,
ku na ɲcúnŋi.
5 Mu à kawagii nɔ ma shiinbii na.
Lʼà pyi kee mu à ɛrɛzɛn sinmpe kan wuu à bya mà yyemahaŋke yaha wuye na.
6 Mpii pi ɲyɛ na fyáge mu yyaha na ke,
mu à tàafye kan pirʼá,
ŋgemu u maha pi pyi pi à shwɔ pi zàmpɛɛnbii ŋgyahigii na ke.
Shelab
7 Wuu ɲwɔ shwɔ ma a wuu shwɔ ná ma kàniŋɛ cyɛge e,
mu shiinbii kyaa lʼà táan mu á ke,
bà pire ɲùŋɔ si mpyi si wwû mɛ.
8 Kile à tɛ̀ɛn u cyage niɲcɛnŋke e maa jwo:
«Mii sí n-pyi javoo si Sikɛmu cyage taa taa,
si Sikɔti ɲaɲyi shwɔ̀hɔŋi súma.
9 Galadi na ɲyɛ mii wu,
Manase mú na ɲyɛ mii wu.
Efirayimu u ɲyɛ mii tɔɔnte ɲùntoŋke,
Zhuda u ɲyɛ mii Saanre kàbiini.
10 Mohabu u ɲyɛ mii lùwiliyaage.
Mii sí na tanhaɲyi wà Edɔmuc i.
Mii sí sí ta Filisi kìni na si sêe li na.»
11 Jofoo u sí n-kàre ná mii i fànhaɲyahaga kànhe e yɛ?
Jofoo u sí mii yyaha cû n-kàre Edɔmu i yɛ?
12 Ei Kile,
mu bala?
Mu Kile u mpyi a wuu cyé,
maa mpyi mu saha ɲyɛ na sì ná wuu kàshicyɛge e mɛ.
13 Pa wuu shwɔ wuu zàmpɛɛnbii na.
Ɲaha kurugo yɛ,
sùpyaŋi u ntɛ̀gɛŋi ɲyɛ yafyin mɛ.
14 Ŋka Kile ká mpyi ná wuu e,
wuu sí kabwɔhigii pyi,
Uru u sí wuu zàmpɛɛnbii fwòoŋɔ wuu tooyi ɲwɔhʼi.