Zaburu 43

Kile u ɲyɛ yyefugofooŋi sɔ̀nŋɔre tatahage

Mii Kileŋi, na kataanmpe cwɔɔnrɔ ma a na tànga kan,

maa ŋge supyishiŋi nintíimbaaŋi tùn.

Na shwɔ mpii cwòfeebii ná kafinivinibii na.

2 Mii Kileŋi, mu u ɲyɛ mii taŋwɔhɔge,

ɲaha na mu à cye wwû mii taan yɛ?

Ɲaha na mu à mii yyetanhawuŋi ná mii ɲyilwɔhɔwuŋi yaha

mii i ɲaare mii zàmpɛɛnbii yyefuge cye e yɛ?

3 Ma bɛ̀ɛnmpe ná ma sèeŋi tun

yi i na yyaha cû,

yi raa wa ná mii i mu ɲaŋke na, mu tatɛɛnge e.

4 Lire e, mii sí n-file Kile sárayi tawwuge na,

Kileŋi ŋgemu u ɲyɛ mii funntange ɲùŋke ná mii fwùkaanni ɲùŋke ke.

Mii sí fwù kan mu á ná ŋkɔ̀nnɔŋi i,

mu mii Kileŋi.

5 Mii zòŋi, ɲaha kʼà mu yatanɲyi bò yɛ?

Ɲaha na mu na ŋkyɛn yɛ?

Ma sɔ̀nŋɔre taha Kile na, ɲaha na yɛ, mii sí núru fwù kan u á,

uru u ɲyɛ mii shwofooŋi ná mii Kileŋi.