Kafooŋi u ɲyɛ u shiinbii nàhafooŋi
23
Dawuda mɛɛni là.
Kafooŋi Kile u ɲyɛ mii nàhafooŋi,
yafyin kuu sì mii ta mɛ.
2 U maha mii pyi mii à ŋɔ̀ ɲyɛ̀puruge cyage e,
u maha sì ná mii i lwɔhe nintɛɛnge cyage e.
3 U maha fànfɔnŋɔ kan mii á,
maa mii leni kuni nitiini i,
u mɛge mpèeŋi kurugo.
4 Mii mɛɛ ka a ɲaare kwùŋi kacyage e numpini i,
mii sì n-fyá yafyin na mɛ.
Ɲaha kurugo yɛ,
mu ɲyɛ ná mii i.
Mu à mii yyaha cû ná ma kàbiini i,
lire li maha mii shwuu.
5 Mu maha mii kaan mii i lyî,
mii zàmpɛɛnbii ɲyii na.
Mu à mii cùmɔlemɛ ɲwɔ.
Mu à sìnmɛ nùguntanga wumɔ wu mii ɲùŋke na.
Mu à mii fùnɲcwokwuuni ɲî fo li na wuni.
6 Sèeŋi na,
mu cɛ̀nmpe ná mu tàange sí n-kwôro ná mii i,
mii shìŋi canmpyaagii puni i.
Mii sí n-pyi Kafooŋi bage e,
na shìŋi canmpyaagii puni i.