Kile, mii funvwugo wuŋi na mu sigili
5
Mɛceŋkuruŋke yyaha yyére shinŋi Dawuda à mɛɛni ndemu cêe ná tìinmpirigilʼe ke.
2 Kafooŋi Kile,
ma niŋgyiini cyán na jwumpe na
maa na kyɛɛnni lógo.
3 Mii Saanŋi ná mii Kileŋi,
Ma niŋgyiini cyán na ɲarage na
Ɲaha kurugo yɛ,
mu mii na ɲáare.
4 Kafooŋi,
ɲyɛ̀ge na,
mu na mii mɛjwuuni núru,
ɲyɛ̀ge na,
mii maha mu ɲáare,
maa mu ɲyii cyán.
5 Ɲaha kurugo yɛ,
pege ɲyɛ a táan mu Kile á mɛ
Shinpiŋi tatɛɛngɛ ɲyɛ mu yyére mɛ.
6 Yàampeentefeebii sì n-jà n-yyére mu yyaha na mɛ,
pege pyifeebii ɲyɛ à sàa táan mu á mɛ
7 Mu maha kafinivinibii shi bò.
Kafooŋi,
shinbuubii ná nàɲwɔhɔre pyifeebii kyalʼà pɛn mu á.
8 Ŋka mii wi ke,
mu cɛ̀nmpe niŋkwombaampe kurugo,
mii sí n-jà n-jyè mu pyɛnge e,
ná mu yyaha fyagare e mii sí niŋkure sín si mu pêe mu pêe pêe babwɔhe e.
9 Kafooŋi,
na le ma ntìiŋi kuni i,
maa ma kuni pwɔ́ na á,
na zàmpɛɛnbii yyaha na.
10 Sèe ɲyɛ pi ɲwɔ i mɛ,
pi ɲyɛ na sɔ̂nŋi labɛrɛ na mɛ,
fo ŋkɛ̀gɛŋi kanni.
Pi ŋkɔ̀ɔnɲyi na ɲyɛ fanmuguɲyahaga,
pi ɲjirigii sʼà ɲî kàyituwɔgɔre na.
11 Ei Kile,
pi cɛɛgɛ,
pi funŋkarigii yaha cyi cwo pi na,
pi kɔrʼa lwɔ́ maye taan pi kapegigii kurugo.
Ɲaha kurugo yɛ,
pi à ɲùŋɔ kyán mu na.
12 Ŋka mpii pi à piye tíiŋɛ mu na ke,
pire puni pi pyi funntange e,
Tèrigii puni i,
pi a funntanga kwuuyi wàa,
Ɲaha kurugo yɛ,
pirʼá mu pyi pi taŋwɔhɔge
Mpii pi à mu kyaa táan piyʼá ke,
Pire puni pi ɲî funtange na ná mu i.
13 Kafooŋi,
mpii pi à tíi ke,
mu maha jwó lwɔ́ pire na
Mu maha pi tò ná ma cɛ̀nmpe e
Mu à jwo tɔɔnɔ yabeŋɛ kʼà pi tò.