Kafooŋi Kile à mii shwɔ làwwuge feebii na
4
Mɛɛni Dawuda à yaa ná ŋkɔ̀nnɔbilʼe ka li i ŋkan mɛceŋkuruŋke yyahayyere shinŋʼá ke.
2 Kile,
mu u ɲyɛ tànge kanfooŋi mii á,
Mii aha mu ɲáare,
maa na ɲwɔ shwɔ.
Mii mpyi cwɔ̀nrɔnmpe e,
ka mu u yyeɲiŋke kan mii á.
Ɲwɔ na na maa na ɲarage shwɔ.
3 Yii shiinbwoobii,
fo ɲaha tère e yii sí n-kwôro raa mii ɲjini fare yɛ?
Yii sí n-kwôro raa mii lawuu ɲùŋɔbaa zà nɔ fo ɲaha tère na yɛ?
Yii sí raa finni mii na fo ɲaha tère e yɛ?
Shelaa
4 Yii li cè na Kafooŋi Kile à wà cwɔɔnrɔ ŋgemu u ɲyɛ na fyáge u na ke,
mii aha Kafooŋi yyere,
u maha mii ɲwɔ shwɔ.
5 Yii lùhigii ká yîri yii àha kapii pyi mɛ.
Mà yii yaha yii yasinniyi i,
yii yii funɲyi cya,
yii i yiye sanmii yaha.
Shela
6 Yii a ntìiŋi sáriyi wwû,
yii i yii sɔ̀nŋɔre taha Kafooŋi na.
7 Shinɲyahara na ŋko:
«Jofoo u sí yyeɲiŋke kan wuu á yɛ?»
Kafooŋi,
ma yyetange bɛ̀ɛnmpe wu wuu na.
8 Mu à mii zòmbilini ɲî funtange na,
ŋkemu ku ɲyɛ ku mpyi pi á pi sùma ɲyahage tèekwɔɔnni ná pi ɛrɛzɛn sinmpe niɲyahampe tèewuuni i mɛ.
9 Mii aha sínni mii maha ntilʼa ŋɔ́ɔ yyeɲiŋke e
ɲaha kurugo yɛ,
Kafooŋi mu kannʼà
mii sanɲcɔnŋi kɔrʼa ɲwɔ.