Kile u ɲyɛ mii tɔɔnte yabeŋke
3
Dawuda mɛɛni,
u tèefeni i u jyaŋi Abusalɔmu yyaha na.
2 Kafooŋi Kile,
mii zàmpɛɛnbilʼà ɲyaha sèlʼe.
Mpii pi à yîri mii kurugo ke,
pirʼà ɲyaha.
3 Shinɲyahara na ŋko mii kyaa na:
«Kile sì u shwɔ mɛ.»
Shelaa
4 Ŋka Kafooŋi,
mu u ɲyɛ mii tɔɔnte yabeŋke,
si mii mâra.
Mu i mii pèente na fwore.
Mu u à mii ɲùŋke yîrige.
5 Mii na mɛɛ súu fànha na Kafooŋi fyè e,
u sí mii ɲwɔ shwɔ mà u yaha u ɲaŋke niɲcɛnŋke na.
Shela
6 Mii à sínni,
maa ŋɔ́ɔ.
Mii à ɲɛ̀,
ɲaha kurugo yɛ Kafooŋi u ɲyɛ mii tɛ̀gɛfooŋi.
7 Supyikuruŋke nimbwɔhe kʼà mii le niŋi i ke,
mii ɲyɛ a sìi na fyáge kuru yyaha na mɛ.
8 Kafooŋi,
yîri.
Mii Kileŋi,
na shwɔ,
ɲaha kurugo yɛ mu à mii zànmpɛnbii bwɔ̀n pi numpɛnyi na.
Mu à shinpiibii ŋkyànhigii kyɛɛgɛ.
9 Kafooŋi u maha zhwoŋi pyi.
Mu dùbabii pi pyi ma shiinbii ɲwɔhʼe.
Shela