Levi tùluge shiinbii kànyi
21
Levi tùluge pyɛnyi feebilʼà file sáragawwuŋi Eliyazari ná Nuni jyaŋi Zhozuwe ná Izirayɛli tùluyi pyɛnyi feebii sanmpiina
2 Silo e,
Kana kìni i maa pi pyi:
«Kafooŋi à yi jwo Musa á na pi kànyi yà kan wuu à wuu pyi wuu tatɛɛngɛ,
pi i yi kwùumpe sige kan wuu á,
wuu yatɔɔre kurugo.»
3 Ɲyɛ ka Izirayɛli shiinbii si pi nàzhan taare kànyi yà ná yi kùumpe kan Levi tùluge shiinbilʼá mà tàanna ná Kafooŋi yi jwoŋkanni i.
4 Ŋkyaanlwooni niɲcyiinʼà pyi Kehati tùluge shiinbii shwɔhɔlʼe.
Levi tùluge shiinbii shwɔhɔlʼe,
sáragawwuŋi Arɔn jyaabilʼà kànya kɛ ná taanre ta ŋkyaalwooni cye kurugo mà fworo Zhuda tùluge ná Simiyɔn woge ná Bezhamɛ woge nàzhan taare e.
5 Ka Kehati tùluge shiinbii sanmpiisi kànya kɛ ta ŋkyaanlwooni cye kurugo mà fworo Efirayimu tùluge ná Dan woge ná Manase woge niŋɛ taage nàzhan taare e.
6 Ka Gerishɔn tùluge shiinbii si kànya kɛ ná taanre ta ŋkyaanlwooni cye kurugo mà fworo Isakari tùluge ná Ashɛri woge ná Nɛfitali woge ná Manase woge niŋɛ taage nàzhan taare e,
Basan kùluni i.
7 Ka Merari tùluge shiinbii si kànya kɛ ná shuunni ta mà tàanna ná pi pyɛnyi pɛrɛge e mà fworo Urubɛn tùluge ná Gadi woge ná Zabulɔn woge nàzhan taare e.
8 Izirayɛli shiinbilʼà ŋkyaanlwooni pyi mà tɛ̀gʼa ɲje kànyi ná yi kwùumpe kan Levi tùluge shiinbilʼá mà tàanna ná Kafooŋi yi jwoŋkanni i Musa á.
9-10 Ŋkyaanlwooni niɲcyiinʼà Arɔn tùluge shiinbii cyêe,
pire mpiimu pi mpyi Levi jyaŋi Kehati tùluge shiinbii ke.
Zhuda tùluge ná Simiyɔn tùluge kànyi yʼà kan pi á ke,
yire yi ɲyɛ:
11 Kiriyati-Araba kànhe pi maha mpyi Eburɔn ke,
ka pi i kuru ná ku kwùumpe sige kan pi á.
Kuru kànhe na ɲyɛ Zhuda ɲaŋkuluni i.
Araba u mpyi Anaki shiinbii tulyɛge.
12 Ŋka kuru kànhe sige ná ku kwùumpe kànpyɛɛre mpyi a fyânhʼa kan Yefune jyaŋi Kalɛbu á.
13 Lire pyiŋkanni na pi à Eburɔn kànhe ná ku kwùumpe sige kan sáragawwuŋi Arɔn tùluge shiinbilʼá.
Taŋwɔhɔgɔ kànhe kà ku mpyi Eburɔn.
Ka pi i Libina ná u kwùumpe sige kan pi á,
14 mà bâra Yatiri ná u kwùumpe sige ná Ɛsitemowa ná u kwùumpe sige,
15 ná Olɔn ná u kwùumpe sige ná Debiri ná u kwùumpe sige,
16 ná Ayini ná u kwùumpe sige ná Yuta ná u kwùumpe sige ná Bɛti-Semɛsi ná u kwùumpe sige.
Yirʼà pyi kànya baacyɛɛre ná yi kwùumpe sige mà fworo Zhuda ná Simiyɔn tùluyi i.
17 Cyeyi pi à ta Bezhamɛ tùluge nàzhan taare e ke,
yire yi ɲyɛ:
Gabahɔn ná u kwùumpe sige ná Geba ná u kwùumpe sige,
18 ná Anatɔti ná u kwùumpe sige ná Alimɔn ná u kwùumpe sige.
Yire na ɲyɛ kànya sicyɛɛre ná yi kwùumpe sige.
19 Sáragawwuubii Arɔn ná u tùluge shiinbii kànyi punʼà pyi kɛ ná taanre ná yi kwùumpe sige.
20 Levi tùluge shiinbii pi ɲyɛ Kehati bage shiinbii sanmpiike,
pirʼà Efirayimu tùluge shiinbii kànyi yà ta ŋkyaanlwooni cye kurugo.
Yire yi ɲyɛ:
21 Sikɛmu kànhe ku mpyi taŋwɔgɔ kànhe kà Efirayimu ɲaŋkuluni i ke,
kuru ná ku kwùumpe sige ná Gezɛri ná u kwùumpe sige,
22 ná Kibisayimu ná u kwùumpe sige ná Bɛti-Ɔrɔn ná u kwùumpe sige.
Yirʼà pyi kànya sicyɛɛre ná yi kwùumpe sige.
23 Dan tùluge kùluni i,
pi à kànyi ɲjemu kan pi á ke,
yire yi mpyi:
Ɛliteke ná u kwùumpe sige ná Gibetɔn ná u kwùumpe sige,
24 ná Ayalɔn ná u kwùumpe sige ná Gati-Irimɔ ná u kwùumpe sige.
Yirʼà pyi kànya sicyɛɛre ná yi kwùumpe sige.
25 Ɲje pi à kan pi á Manase tùluge niŋɛ taage nàzhan taare e ke,
yire yi mpyi:
Tanaki ná u kwùumpe sige ná Gati-Irimɔ ná u kwùumpe sige.
Yirʼà pyi kànya shuunni ná yi kwùumpe sige.
26 Yire kànyi punʼà pyi kànya kɛ ná yi kwùumpe sige.
Kehati bage shiinbii sanmpiinàzhanŋi u à pyi ure.
27 Levi tùluge shiinbii pi à fworo Gerishɔn bage e ke,
kànyi pi à kan pirʼá mà fworo Manase tùluge niŋɛ taage taare e ke,
yire yʼà pyi:
Besitera ná u kwùumpe sige ná taŋwɔhɔgɔ kànhe Golan ná ku kwùumpe sige.
Kuru na ɲyɛ Basan kùluni i.
Yirʼà pyi kànya shuunni ná u kwùumpe sige.
28 Kànyi pi à kan pi á mà fworo Isakari tùluge taare e ke,
yire yi mpyi:
Kisiyɔn ná u kwùumpe sige ná Dabirati ná u kwùumpe sige,
29 ná Yaramuti ná u kwùumpe sige ná Ɛni-Ganimu ná u kwùumpe sige.
Yirʼà pyi kànya sicyɛɛre ná yi kwùumpe sige.
30 Kànyi pi à kan pi á Ashɛri tùluge taare e ke,
yire yi mpyi:
Miseyali ná u kwùumpe sige ná Abidɔn ná u kwùumpe sige,
31 ná Ɛlikati ná u kwùumpe sige ná Erehɔbu ná u kwùumpe sige.
Yirʼà pyi kànya sicyɛɛre ná yi kwùumpe sige.
32 Ɲje pi à kan pi á Nɛfitali tùluge taare e ke,
yire yʼà pyi:
Amɔti-Dɔri ná u kwùumpe sige ná Karitan ná u kwùumpe sige,
ná taŋwɔhɔgɔ kànhe Kedɛshi ná u kwùumpe sige.
Kuru na ɲyɛ Galile kùluni i.
Yirʼà pyi kànya taanre ná yi kwùumpe sige.
33 Mà tàanna ná Gerishɔn baga shiinbii pyɛnyi pɛ̀rɛge e,
pi nàzhan kànyʼà pyi kɛ nà taanre ná yi kwùumpe sige.
34 Levi tùluge shiinbii pi à fworo Merari bage e ke,
kànyi pi à kan pirʼá mà fworo Zabulɔn shiinbii nàzhan taare e ke,
yire yi mpyi:
Yokineyamu ná u kwùumpe sige ná Karita ná u kwùumpe sige,
35 ná Dimina ná u kwùumpe sige ná Nahalali ná u kwùumpe sige.
Yirʼà pyi kànya sicyɛɛre ná yi kwùumpe sige.
36 Kànyi pi à ta Urubɛn tùluge shiinbii taare e ke,
yire yi mpyi:
Besɛri ná u kwùumpe sige ná Yahasi ná u kwùumpe sige,
37 ná Kedemɔti ná u kwùumpe sige ná Mefaati ná u kwùumpe sige.
Yirʼà pyi kànya sicyɛɛre ná yi kwùumpe sige.
38 Ɲje yʼà kan pi á mà fworo Gadi tùluge taare e ke,
yire e,
taŋwɔhɔge kànhe kʼà mpyi Aramɔti ná u kwùumpe sige,
kuru na ɲyɛ Galadi kùluni i,
ná Mahanayimu ná u kwúumpe sige,
39 ná Ɛsibɔn ná u kwùumpe sige ná Yazɛri ná u kwùumpe sige.
Yirʼà pyi kànya sicyɛɛre ná yi kwùumpe sige.
40 Levi tùluge sanŋke e,
kànyi Merari bage shiinbilʼà ta ŋkyaalwooni cye kurugo mà tàanna pi pyɛnyi pɛ̀rɛge e ke,
yirʼà pyi kànya kɛ ná shuunni.
41 Kànyi Levi tùluge shiinbilʼà ta Izirayɛli shiinbii sanmpiinàzhan taare e ke,
yirʼà pyi kànya beeshuunni ná baataanre ná yi kwùumpe sige.
42 Yire kànyi niŋkin niŋkinŋi ná yi kwùumpe sige kʼà kan pi á.
Amuni yi puni mpyi.
43 Kafooŋi mpyi a ɲwɔmɛɛni lwɔ́ Izirayɛli shiinbii tulyeyʼá na uru sí kìni ndemu kan pi á ke,
amɛ u à li kan Izirayɛli shiinbilʼá.
Ka pi i li kɔ̀rʼa shwɔ mà pyi pi wuu,
maa ntɛ̀ɛn lʼe.
44 Ka kàfooŋi si taŋɔŋke kan pi à kàmpanɲyi puni na,
bà u mpyi a ɲwɔmɛɛni lwɔ́ pi tulyeyʼá mɛ.
Pi zàmpɛn ɲyɛ a jà a yyérʼa pi sige mɛ.
Kafooŋi à pi zàmpɛɛnbii puni le pi cye e.
45 Jwuɲcɛnmpe puni ɲwɔmɛɛni Kafooŋi mpyi a lwɔ́ Izirayɛli shiinbilʼá ke,
pà niŋkin ɲyɛ a kwôro pyimbaa mɛ,
pu punʼà pyi a fûnŋɔ.