Yuusawu 20

[Xaliifedebu]

Tunka Duumanten daali Yuusawu da nan ti : 2 « Jaabi da nan ti : in ga da xaliifedebu ku beenu fin koni axa da ti annabi Muusa faarannaaxun ŋa, xa da i kini axa du yi. 3 Serikallaana ti futuxiye, a ga feti tawuye, a na wuru telle xaliife non ŋa ; a kaman na kisi tanbutugeforon ŋa. 4 A na wuru katta kun debu du baananbe yi, nan sigi deben bulun xooren raqen ŋa, na i xibaaren dantaxi ken debe xirisun da ; kun na ken sere bisimilla kafiini du yi debe ke yi, na dingira kini a yi, a na taaxu kafiini i ya. 5 Foron xirindaanan ga na fanpe do a yi, i nta karindaana ke roono a kitten ŋa, baawo a da i kapanlenma ke kari ti futuxiyen ya yi, a ma a xoni nan xaso xa. 6 A na taaxu ken debe yi, ma a ga na n sigi kiiten di jaman jon ŋa, ma sadaxakiɲandaana xoore be gaa du yi ken waxati yi, ken ga na faati. Ken falle wuraana ke na saage riini i deben ŋa katta i kan ŋa, debe ke be a ga wuru gilli a yi. »

7 I da Xedesi gaa Galiile yi sugandi Nafutaali gidinjamaanen ŋa, a do Sixemu gaa Hefarayimu gidinjamaanen ŋa, do Xiriyaata-haraaba, i gaa a xilli Heburoona, a gaa Yehuuda gidinjamaanen ŋa. 8  kutan xa yi, Yeriiho yi kinbakkan banŋe, Beceere kini ti gunjuran banŋe yi Rubeenikaarankon siŋanfaren kanma, a do Lamooti gaa Gilaadi yi gelli Gaadikaarankon ŋa, a do Golaana gaa Basaani yi gelli Manaasekaarankon ŋa. 9 Ku ni debu ya, Banisirayilagankon danman su kafon ya ni, a do mukke su ga bibire i noxon ŋa, kuudo futuxikallaana su na wuru katta non ŋa. A kaman ntaxa kalla ti foron xirindiyenmen kitten ŋa, ma a ga na sigi kafon jon ŋa.