Yuusawu 19

[Simoonukaara taqikutiye]

Sokki fillandin wuti Simoona ya da, Simoonakaarankon fonlaqen lanɲara, ikun xallitaqen ɲa Yehuudakaarankon xalli taqen noxon ya yi. 2 Ikun xallitaqen ɲa : Beeri-seba, a do Seeba do Molaada, 3 a do Hacaari-suwaali do Baala, a do Seemu 4 do Tolaadi, a do Betuulu do Harima, 5 a do Sixilaaga do Beeti-marakabooti, a do Hacaari-suusa, 6 a do Beeti-lebooti do Saruheeni : debu tanmi do sikko do i debinlenmu. 7 Heeni-rinmoona, a do Yeteeri do Hasaana : debu naxati do i debinlenmu 8 do debinlenmu ku beenu su gaa yoorini ku debu kundu yi, ma Balaati-beeri, i gaa a xilli Lamaati-negeba. Kun ni Simoonakaarankon xallitaqen ya, i fonlaqen lanɲaran da. 9 Simoonakaarankon xallitaqen wuti bakka Yehuudakaarankon xallitaqen ya yi, baawo Yehuudakaarankon kutiyen ɲi ga n gaba i da. Simoonakaarankon da i xallitaqen kita i kutiyen noxon ya yi kuŋa.

[Jebuluunukaara taqikutiye]

10 Sokki sikkandin wuti Jebuluunukaarankon ya da, i fonlaqen lanɲara. I xallitaqen gingen wa ma Sariidi. 11 I gingen sege kinxennan ŋa do Maraala, nan kari Dabiseeti yi, nan daga senbe katta waranlaqe be gaa Yoxinaamu jonkonmen ŋa. 12 A yille gilli Sariidi yi taŋeene Kisilooti-tabooro xenpan ŋa kiyen bogura kinbakkan ŋa, nan bogu katta Deberaati, nan sege Yaafiya. 13 Gilli non di kuŋa, a dangi kinbakkan ŋa Gaata-hefeeri kinbakka do Yeti-xaciini yi, nan bogu do Linmoona, guubene katta Neeya, 14 na a yoori gelli saahelin ŋa katta Hannatoona yi. A fataaman ɲa Yifite-helinxoole ya ; 15 do Xattaati do Nahalaale do Simerooni, a do Yidaala do Beeti-leheemi : debu tanmi do fillo do i debinlenmu. 16 Ku ni Jebuluunukaarankon xallitaqen ya yi i fonlaqen lanɲaran da, ku debu kundu do i debinlenmu.

[Yisaxaarikaara taqikutiye]

17 Taqi naxatandin sokken xenu Yisaxaari yi, Yisaxaarikaaranko, i fonlaqen lanɲara. 18 I kutiyen gemu Yijireeli do Kesulooti do Suneemu, 19 a do Hafarayiimu do Siwooni do Naharaati, 20 a do Labiiti do Xisiyoona, a do Yebeci 21 do Lemeeti do Heeni-ganniimu, a do Heeni-hadda do Beeti-pace. 22 Gingen kari Tabooro, a do Sahaciima do Beeti-semesi ; a fataaman nan ɲa yi : debu tanmi do tunmu do i debinlenmu. 23 Ku ni Yisaxaarikaarankon xallitaqen ya, i fonlaqen lanɲara, ku debu do i debinlenmu.

[Haseerikaara taqikutiye]

24 Sokki karagandin bogu Haseerikaarankon ya da, i fonlaqen lanɲaran da. 25 I kutiyen gemu Helixaati, a do Hayili do Betene, a do Haxisaafu 26 do Lameleexi, a do Maadi do Misaale, nan kari Karameela yi kinxennan ŋa, a do Sihooro-libinaati. 27 A yille katta kinbakkan ŋa Beeti-dagooni yi, nan kari Jebuluunu do Yifite-helinxoole yi, Beeti-hemeexi do Neyili saahelin ŋa. A bogu katta Kabuulu yi gelli noogen ŋa, 28 a do Heburoona do Lehoobu do Hamoona, a do Xana, ma Sidooni-xoore. 29 Gingen saage katta Raama yi ma katta Sooro deben tegeyinbinnen ŋa. Gingen nan saage katta Hoosa yi, a fataaman ɲa geeji yi, Mahaleebi do Haxijiibu 30 do Wuuma, a do Hafeexa do Lehoobu : tanpille do debu filli do i debinlenmu. 31 Ku debu do i debinlenmun ni Haseerikaarankon xallitaqen ya yi, i fonlaqen lanɲaran da.

[Nafutaalikaara taqikutiye]

32 Sokki tunmundin bogu Nafutaalikaarankon ya da, Nafutaalikaara fonlaqen lanɲaran da. 33 Banboxun ŋa, i kutiyen wa a wuttu gelli Heleefu, gelli allanyitti sennen ŋa Sanaaniimu yi, a do Hadami-nexeebu do Yabuneeli, ma Laxuumu. A fataaman ɲa Yaradefanŋe ya yi. 34 Gingen saage katta Hajinooti-tabooro yi kinxennan ŋa, nan bogu non ŋa katta Huxooxu yi. A kari Jebuluunu yi ti ŋa, nan kari Haseeri yi ti kinxennan ŋa, nan kari Yaradefanŋe Yehuuda yi ti kinbakkan banŋen ŋa. 35 Tegeyinbinnen debun ni Siddiimu, a do Seeri do Hanmaati do Laxaati, a do Kinereeti 36 do Daama, a do Raama do Hacooro, 37 a do Xedesi do Yedeeri do Heeni-hacooro, 38 a do Yiroone do Migidaali-yeli, a do Horeemu do Beeti-naati, a do Beeti-semesi : debu tanmi do kabu do i debinlenmu. 39 Ku ni Nafutaalikaarankon xallitaqen ya yi, debun do i debinlenmu, i fonlaqen lanɲaran da.

[Daanikaara taqikutiye]

40 Daanikaarankon fonlaqen lanɲaran xallitaqen bogu sokki ɲerundin ya yi. 41 I taqikutiyen ɲa Saariya, a do Yesitoolu do Yiiri-semesi, 42 Saalabinne do Yaloona do Yitila, 43 a do Yeloona do Timinata do Hexoroona, 44 a do Yeliteexa do Gibitoona, a do Baalata 45 do Yehuudi, a do Bene-beraaxi do Gaata-linmoona, 46 a do Yarixoona jiinun do Laxoona, kafiini Yaafo jonkonmen kutiyen ŋa.

47 Daanikaarankon kutiyen ga bogu i maxa, i sege na Leseemu gaja, nan ragandi a maxa, na a sanpa ti kaafan neenen ŋa, na a xeyimaxakaraba, nan taaxu a yi. I da Leseemu toxon xiri Daani, xoyi i seri fanan toxo, Daani. 48 Ku debu do i debinlenmun ni Daanikaarankon ya xallitaqe yi, i fonlaqen lanɲara.

[Yuusawu taqikutiye]

49 Jamaanen taxandinden ga ɲeme, da taqe kini Nuunu renme Yuusawu yi i noxon ŋa. 50 Na a saxu Tunka Duumanten ɲaamariyen kanma, i da a ga da debe be tirindi kini a yi, Timinata-seera ya ni, Hefarayimu gidinjamaanen ŋa. A da debe ke taga, nan taaxu a yi.

51 Ku taqu kundu ya ni sadaxakiɲandaana Lajaari do Nuunu renme Yuusawu, a do Banisirayilagankon faabanxirisun ga da i taxandi ti sokkun ŋa Silo yi, Tunka Duumanten jon ŋa raqe. I duguta jamaanen taxandinden ŋa.