Yuusawu 5

[Sunnande Giligaali yi]

Bire be Hamoorikaarankon tunkanu beenu su gaa ken kuta yi, a do Kanaanaganko tunkanyugu beenu gaa geejin jonkonmen ŋa, i ga da a mugu ti Tunka Duumanten da Yaradefanŋe kaawandi kaane, ma o gaa kareene, i buttun xosi kuti ; kutte ma toxo i ya xa Banisirayilaganko kaane.

2 Ken waxati Tunka Duumanten daali Yuusawu da : « Gidillabunun dabari du da, an nan yille sunnanden fillana Banisirayilaganko yi xadi. » 3 Yuusawu da gidillabunun dabari du da, na Banisirayilaganko sunnandi Murungide yi, ken ga ni Gibaata-haralooti yi.

4 Yuusawu na i sunnandi sababu faayi : jama ke be su ga bogu Misira yi, sere su ga ni kurayugon ya, a su kara killen ŋa gunjuran ŋa, i girinto Misira yi. 5 Jama ke be su ga bogu Misira yi, a su sunnanten ya n ɲi. Jama su ga saare gunjura ke killen ŋa i riyinto gilli Misira yi, kun ma sunne. 6 Ken di Banisirayilaganko da tannaxate siine tera gunjuran ŋa kuŋa, ma kore ke seren kurayugu beenu su ga bogu Misira yi, i su gaa ɲemeene. Xoyi i ga ma Tunka Duumanten ɲaamarindixannen mugu, Tunka Duumanten xa sape i danŋa ken moxo yi, ti jamaane ke wariyintanŋaaxun ŋa, ken jamaane be Tunka Duumanten ga da a ɲi a ga sape ti a yi i faabanu da, jamaane. 7 I renmun ya n sikki i batten ŋa. Yuusawu da kun ya sunnandi, baawo i murunton ya n ɲi, i ma i sunnandi killen ŋa.

8 Koren danman su sunnanden ga duguta bire be yi keeta, [seri xooron do leminu], i taaxu daaxan ŋa, ma i gaa sellene. 9 Tunka Duumanten daali Yuusawu da kuŋa : « Lenki ke koota, n da Misira roxomaxantaaxun gulun-gulu gilli axa kanma. » I da ken noqu xiri Giligaali, ma lenki ke koota.

[Pesaxa fana Kanaanan jamaanen ŋa]

10 Banisirayilaganko daaxe Giligaali yi na ɲa xason tanmun do naxaton futuron ŋa, Yeriiho guufurunbayanmen ŋa. 11 Ken bita fillan koota, i da jamaane ke soxofon ya yiga, na buuru lewiirintanŋen do tegensen yiga ken koota yi. 12  kuti gelli jamaanen soxofoonun yigeyen jopaye bitafilla. Manna maxa kini Banisirayilaganko danŋa xadi. I da Kanaana jamaane ke soxofoonun ya yiga ken siine yi.

[Tunka Duumanten kurunyinmanke]

13 Bire be Yuusawu ga ɲi Yeriiho yi, a da i yaaxon wutu nan faayindi, ma a ga nta yugo wari sikki du kaane, kaafa raxaduuron gaa a kitten ŋa. Yuusawu daga katta a yi nan ti a da : « An na oku ya da, ma an na o xonnon ya da ? » 14 A ti a danŋa : « Ken fe ! Nke ni Tunka Duumanten kuren yinmanken ya, saasa ya ni n ga ri. » Yuusawu da du sedi i taŋen kanma ɲiiɲen ŋa, a na du maxayanqa nan ti : « N kaman na man koono i komen da ? » 15 Tunka Duumanten kuren yinmanken ti Yuusawu da : « An tepunun buusu bakka an taanun ŋa, baawo an gaa sikki noqu ke be yi, a sennen ya ni. » Yuusawu da ken ɲa.