[Buututimikoota]
29
« “ Xasu ɲerundin koota fanan ni kafundo sennen ya yi axa maxa. Xa maxa laadangolle dabari. Ken koota ni buututimikootan ya. 2 Axa na sadaxa xuruminten dabari kani liŋe yi Tunka Duumanten da : gunbunlen baane, a do jaxandigi baane, do jaxandiginlenmu ɲeri, siinibaananlenmu, leebu ga nta i ya. 3 I soxofonsadaxan nan xawa ɲaana jura mullu-mulli xootinten ya yi ti ten ŋa, gunbo ke muudu sikki, jaxandige ke muudu filli, 4 jaxandiginlenmu ku ɲeri, baane su muude, 5 a do sugundigi baane, ken ni senoyinsadaxan ya, nan xafarigeesimuuri axa da ti ken ŋa. 6 Ku kundu xa kafiini xasunsadaxa xuruminte ke do i soxofonsadaxan ya yi, a do kootasunsadaxa xuruminte ke do i soxofonsadaxon do i minifonsadaxo xoyi a farilan ga ri moxo be. I su ɲaana yinbidunsadaxon ya yi, kani liŋen ya ni Tunka Duumanten da.[Xafarigeesimuurikoota]
7 « “ Ke xasu ɲerunde kundu tanmun koota ɲaana kafundon sennen ya yi axa maxa, xa na du maxayanqa ti suumen ŋa, xa maxa golle su dabari. 8 Axa wa sadaxa xuruminten sadaxini Tunka Duumanten da kani liŋe yi : gunbunlen baane, a do jaxandigi baane, ken do jaxandiginlenmu ɲeri, siinibaananlenmu, leebu ga nta i ya. 9 I soxofonsadaxon ni jura mullu-mulli xootinten ya yi ti ten ŋa. Gunbo ke, muudu sikki, jaxandige ke muudu filli, 10 jaxandiginlenmu ku ɲeri, baane su muude, 11 ken do sugundigi baane, ken ni futuxiyinsadaxan ya, kuudo nan xafarigeesimuuri, nan kafi kootasunsadaxa xuruminte ke do i soxofonsadaxon do i minifonsadaxon ŋa.
[Gupun salle]
12 « “ Ken xasu ɲerundi tanmun do karagon koota xa, a ɲaana kafundo sennen ya yi. Xa maxa laadangolle dabari. Xa na sallen salli Tunka Duumanten da, bito ɲeri. 13 Xa na sadaxa xuruminten sadaxi, na yinbidunsadaxan sadaxi kani liŋe yi Tunka Duumanten da : gunbunlenmu tanmi do sikko, a do jaxandigu filli, ken do jaxandiginlenmu tanmi do naxato, siinibaananlenmu, leebu ga nta i ya. 14 I soxofonsadaxan ni jura mullu-mulli xootinten ya yi ti ten ŋa : gunbunlenmu ku tanmi do sikko, gunbunlen baane su muudu sikki ; jaxandigu ku filli, baane su muudu filli ; 15 jaxandiginlenmu ku tanmi do naxato, baane su muude ; 16 ken do sugundigi baane, ken ni futuxiyinsadaxa, nan kafi kootasunsadaxa xuruminte ke do i soxofonsadaxan do i minifonsadaxan ŋa.
17 « “ Bita fillandin ŋa, xa na gunbunlenmu tanmi do fillo sadaxi, a do jaxandigu filli, do jaxandiginlenmu tanmi do naxato, siinabaananlenmu, leebu ga nta i ya, 18 ken do i soxofonsadaxon do i minifonsadaxo. Gunbunu ku do jaxandigu ku do jaxandiginlenmu ku su, i farilan ga ri moxo be, i ɲaana ken moxo ya yi, i jaatun lanɲara. 19 Ken do sugundigi baane, ken na ɲa futuxiyinsadaxa. Kootasunsadaxa xuruminte ke na i batten ya, a do i soxofonsadaxon do i minifonsadaxo.
20 « “ Bita sikkandin ŋa, xa na gunbunlenmu tanmi do baane sadaxi, a do jaxandigu filli, kafiini jaxandiginlenmu tanmi do naxato, siinabaananlenmu, leebu ga nta i ya, 21 Gunbunu ku do jaxandigu ku do jaxandiginlenmu ku su, i farilan ga ri moxo be, i ɲaana ken moxo ya yi kafiini i soxofonsadaxon do i minifonsadaxon ŋa, i jaatun lanɲara. 22 Ken do sugundigi baane, ken ni futuxiyinsadaxan ya, kafiini kootasunsadaxa xuruminte ke do i soxofonsadaxan do i minifonsadaxan ŋa.
23 « “ Bita naxatandin ŋa, xa na gunbunlenmu tanmi sadaxi, a do jaxandigu filli, kafiini jaxandiginlenmu tanmi do naxato yi, siinibaananlenmu, leebu ga nta i ya, 24 ken do i soxofonsadaxon do i minifonsadaxo. Gunbunu ku do jaxandigu ku do jaxandiginlenmu ku su, i farilan ga ri moxo be, i ɲaana ken moxo ya yi i jaatun lanɲara. 25 Ken do sugundigi baane, ken na ɲa futuxiyinsadaxa yi, kafiini kootasunsadaxa xuruminte ke do i soxofonsadaxon do i minifonsadaxon ŋa.
26 « “ Bita karagandin ŋa, xa na gunbunlenmu kabi sadaxi, a do jaxandigu filli, kafiini jaxandiginlenmu tanmi do naxato, siinabaananlenmu, leebu ga nta i ya, 27 ken do i soxofonsadaxon do i minifonsadaxo. Gunbunu ku do jaxandigu ku do jaxandiginlenmu ku su, i farilan ga ri moxo be, i ɲaana ken moxo ya yi, i jaatun lanɲara. 28 Ken do sugundigi baane, ken na ɲa futuxiyinsadaxa yi, kafiini kootasunsadaxa xuruminte ke do i soxofonsadaxon do i minifonsadaxon ŋa.
29 « “ Bita tunmundin ŋa, xa na gunbunlenmu segi sadaxi, a do jaxandigu filli, kafiini jaxandiginlenmu tanmi do naxato, siinibaananlenmu, leebu ga nta i ya, 30 ken do i soxofonsadaxon do i minifonsadaxo. Gunbunu ku do jaxandigu ku do jaxandiginlenmu ku su, i farilan ga ri moxo be, i ɲaana ken moxo ya yi, i jaatun lanɲara. 31 Ken do sugundigi baane, ken na ɲa futuxiyinsadaxa yi, kafiini kootasunsadaxa xuruminte ke do i soxofonsadaxon do i minifonsadaxon ŋa.
32 « “ Bita ɲerundin ŋa, xa na gunbunlenmu ɲeri sadaxi, a do jaxandigu filli, kafiini jaxandiginlenmu tanmi do naxato, siinabaananlenmu, leebu ga nta i ya, 33 ken do i soxofonsadaxan do i minifonsadaxo. Gunbunu ku do jaxandigu ku do jaxandiginlenmu ku su, i farilan ga ni moxo be, i ɲaana ken moxo ya yi, na a saxu i jaatun kanma. 34 Ken do sugundigi baane, ken na ɲa futuxiyinsadaxa yi, kafiini kootasunsadaxa xuruminte ke do i soxofonsadaxon do i minifonsadaxon ŋa.
35 « “ Bita segundin ŋa, kafundo sennen ya ni axa maxa ; xa maxa laadangolle su ɲa. 36 Xa, axa n xawa sadaxa xuruminten ya sadaxini, na yinbidunsadaxan sadaxi kani liŋe yi Tunka Duumanten da, kun ga ni gunbunlen baane, a do jaxandigi baane do jaxandiginlenmu ɲeri, siinibaananlenmu, leebu ga nta i ya, 37 ken do i soxofonsadaxon do i minifonsadaxo. Gunbunu ku do jaxandigu ku do jaxandiginlenmu ku su, farilan ga ri moxo be, i ɲaana ken moxo ya yi, i jaatun lanɲara. 38 Ken do sugundigi baane, ken na ɲa futuxiyinsadaxa yi, kafiini kootasunsadaxa xuruminte ke do i soxofonsadaxon do i minifonsadaxon ŋa.
39 « “ Xa nan xawa ku fiinu ya ɲaana Tunka Duumanten da axa waxati xerexerento ku noxon ŋa, ken do axa tekkun nta baana, a do axa yonkiliŋunsadaxon nta baana, a do axa sadaxa xuruminton nta baana, a do axa soxofonsadaxon nta baana, a do axa minifonsadaxon nta baana, a do axa allatiigeyinsadaxon nta baana. ” »