[Koota su sadaxo]
28
Tunka Duumanten daali Muusa da : 2 « Banisirayilaganko ɲaamari nan ti : “ Fo be ga ni xo in sadaxo, kun ga ni in faafon do in yinbidunsadaxa kani liŋu, xa na i koroosi na i kini in ŋa i waxatin yinme yi. ” 3 An na a koni i da ti : “ Yinbidunsadaxa be gaa sadaxini Tunka Duumanten ŋa, ken ya faayi ke : siinibaananjaxandiginlenmu filli, leebu ga nta i ya, koota su kun ya n yinbidunsadaxiini, ken ni abada ya. 4 An na jaxandiginlen baanen dabari suxuban ŋa, an na jaxanlen fillandin dabari katta futuron bire. 5 An na soxofonsadaxan saxu a kanma, muude jura mullu-mulli xootinte ti liitara baane te bollinte yi. 6 Ken ni abadanyinbidunsadaxan ya, a ga tafi Tuurisiina giden kanma, yinbidunsadaxan ya ni, kani liŋe ya ni Tunka Duumanten da.7 « “ A minifonsadaxan xa n xawa ɲaana liitara baane ya yi kafiini jaxandiginlen baane su yi. An na reesendolon joxi dingira sennen ŋa, ken ni minifonsadaxan ya yi Tunka Duumanten da. 8 An na jaxandiginlen fillandi ke dabari katta futuron waxati, an na soxofonsadaxan do minifonsadaxan saxu a kanma xo suxuba ke xallen moxo. An na yinbidunsadaxan dabari kani liŋe yi Tunka Duumanten da.
[Sibitinkootan sadaxo]
9 « “ Sibitinkootan ŋa, jaxandiginlenmu filli ya n sadaxini, siinibaananlenmu, leebu ga nta i ya, kafiini soxofonsadaxan ŋa, muudu filli jura mullu-mulle, a xootinte ti ten ŋa, ken do minifonsadaxa be gaa roono a yi. 10 Ke ni Sibitinkoota su sadaxa xuruminten ya yi, kafiini koota su sadaxa xuruminte ke do i minifonsadaxan ŋa.
[Xasunsadaxa]
11 « “ Axa xaso su koota fanan ŋa, xa na sadaxa xuruminten bagandini Tunka Duumanten da : gunbunlenmu filli, jaxandigi baane, a do jaxandiginlenmu ɲeri, siinibaananlenmu, leebu ga nta i ya. 12 An wa soxofonsadaxan kapa gunbunlen baane su yi : muudu sikki jura mullu-mulli xootinte ti ten ŋa ; jaxandige ke xa, an na soxofonsadaxan ro a kanma, muudu filli jura mullu-mulli xootinte ti ten ŋa. 13 Jaxandiginlenmu ku xa, an na soxofonsadaxan ro i kanma : baane su muude jura mullu-mulli xootinte ti ten ŋa. Yinbidunsadaxan ya ni Tunka Duumanten da, kani liŋen ya ni. 14 Fo be ga ni xo i minifonsadaxon ŋa, gunbo su genme liitaranu filli reesendolo ya yi, jaxandige su liitara baane do taxande, jaxandiginlenme su liitara baane. Ku ni xaso su sadaxa xuruminten ya, siinen xaso su. 15 Senoyinsadaxan xa n xawa sadaxiini Tunka Duumanten da, sugundigi baane, ken kafiini koota su sadaxa xuruminto ku do i minifonsadaxon ya yi.
[Pesaxansallen sadaxo]
16 « “ Xasu fanan tanmun do naxaton koota ni Tunka Duumanten Pesaxansallen ŋa. 17 Ken xaso tanmun do karagon xa ni sallen ya, bito ɲeri noxo, buuru lewiirintanŋen baane ya n yigeene. 18 Kafundo sennen wa ɲaana sallen koota fanan ŋa. Axa nta laadangolle su dabarini ken koota yi. 19 Axa na yinbidun sadaxa xuruminten ya sadaxini Tunka Duumanten da : naanu filli, gunbunlenmu, a do jaxandigi baane, do jaxandiginlenmu ɲeri, siinibaananlenmu, leebu ga nta i ya. 20 I soxofonsadaxan nan xawa ɲaana jura mullu-mulli xootinten ya yi ti ten ŋa. Gunbu baane su muudu sikki, jaxandige su, muudu filli. 21 Jaxandiginlenmu ku ɲeri, muude jura ya n dabarini do baane su yi. 22 Sugundigi baane na ɲa senoyinsadaxan ŋa, kuudo nan xafarigeesimuuri axa da. 23 A n siri ɲaana duransadaxa xuruminte ya yi kafiini abadansadaxa xuruminte ke yi suxuban ŋa. 24 Bito ku ɲeri, an na a ɲaana kundu ya yi koota su, faafon ya ni Tunka Duumanten da, a do yinbidunsadaxan do kani liŋe. I sadaxiini kafiini koota su sadaxo ku do i minifonsadaxon ya yi. 25 Bita ɲerundi ke, axa wa kafundo sennen gansini, axa nta laadangolle dabarini.
[Fateyifano]
26 « “ Fateyifanon sallen koota xa, axa n xawa kafundon dabarini, ken ni bire be axa gaa soxofonsadaxa kurunbon bagandini Tunka Duumanten da koyun sallen¤ ŋa ya. Xa maxa laadangolle dabari. 27 Ganta axa wa sadaxa xuruminten sadaxini kani liŋe yi Tunka Duumanten da : gunbunlenmu filli, a do jaxandigi baane do jaxandiginlenmu ɲeri, siinibaananlenmu, 28 ken do i soxofonsadaxo : gunbo su muudu sikki jura mullu-mulli xootinte ti ten ŋa, jaxandige ke muudu filli, 29 jaxandiginlenmu ku ɲeri, baane su muude, 30 ken do sugundigi baane, nan xafarigeesimuuri axa da ti ken ŋa. 31 Ku sadaxo do laadansadaxa xuruminte ke do i soxofonsadaxon do i minifonsadaxon nta baana. Leebu n maxa ɲi i ya de !