[Moxosironde katta Kanaana royen ŋa : 26-36]
[Fonlaqun jaatandi fillande]
26
Taawoonen dangi falle, Tunka Duumanten daali Muusa do sadaxakiɲandaana Haaruna renme Lajaari da : 2 « Xa da Banisirayilaganko jaman danman su jaaten wutu ti i faabankaanun lanɲaron ŋa, gelli tanpille siine renme segene, yugo su ra gaa bakka kafiini kuren ŋa Isirayila. » 3 Muusa do sadaxakiɲandaana Lajaari da a ko Banisirayilaganko da Mowaaba ɲiiɲanbaayanmen ŋa kuŋa, Yaradefanŋe raqen ŋa Yeriiho jonkonmen ŋa nan ti : 4 « Yugun nan jaate gelli tanpille siine renme yi segene, xo moxo be Tunka Duumanten ga demu ɲaamarindini Muusa maxa yi. » Banisirayilaganko beenu ga bogu Misira ɲiiɲen ŋa, i faayi :[Rubeenikaaranko]
5 Rubeeni ya ni Isirayila sooman ŋa ; Rubeenikaarankon ya faayi ku :
Hanooxilankon fonlaqun bogu Hanooxi yi ;
Paalulankon fonlaqun bogu Paalu yi.
6 Heceroonilankon fonlaqun bogu Hecerooni yi.
Karimilankon fonlaqun bogu Karimi yi.
7 Ku kundu ya ni Rubeenikaarankon fonlaqun ŋa. I jaaten gemu tannaxate do wujunu sikki do kamo ɲeri, a do tanjikke (43 730) yugo.
8 Paalu renmun dubaananbe ya ni Heliyaabu yi. 9 Ken Heliyaabu renmun ni Nemuyeli, Dataani, a do Habiraama. Ke Dataani do ke Habiraama kundu, jamanyinmankon ya ni, i ya n da seron murutindi katta Muusa do Haaruna. Xaaruuna do i bajanlenmon gaa Tunka duumanten gajanŋa, i ɲi kafiini i ya. 10 Ɲiiɲen da i raqen wuɲi na i toni kafiini Xaaruuna yinme yi. Ke jama kundu gaa kalla, yinben ya n da i yiga, kamo filli do tankarage yugo. Ken ɲa gongonde yi. 11 Xa Xaaruuna renmun ma kara.
[Simoonakaaranko]
12 Simoonakaarankon fonlaqun faayi :
Nemuyelilankon fonlaqun bogu Nemuyeli yi ;
Yamiinalankon fonlaqun bogu Yamiina yi ;
Yaxiinilankon fonlaqun bogu Yaxiini yi ;
13 Jeeralankon fonlaqun bogu Jeera yi ;
Sawululankon fonlaqun bogu Sawulu yi.
14 Ku ya ni Simoonakaarankon fonlaqun ŋa, tanpille do wujunu filli, a do kamo filli yugo (22 200).
[Gaadikaaranko]
15 Gaadikaarankon fonlaqun faayi :
Sefoonalankon fonlaqun bogu Sefoona yi ;
Haggilankon fonlaqun bogu Haggi yi ;
Suunilankon fonlaqun bogu Suuni yi ;
16 Wojinilankon fonlaqun bogu Wojini yi ;
Heerilankon fonlaqun bogu Heeri yi ;
17 Haroodilankon fonlaqun bogu Haroodi yi ;
Herelilankon fonlaqun bogu Hereli yi.
18 Ku ya ni Gaadikaarankon fonlaqun jaaten ŋa, tannaxate wujune, a do kamo karagi yugo (40 500).
[Yehuudakaaranko]
19 Yehuuda renmun ni Heeri do Wonaani ya, xa Heeri do Wonaani kara Kanaana ɲiiɲen ŋa*. 20 Yehuudakaarankon xa fonlaqun faayi :
Seelalankon fonlaqun bogu Seela yi ;
Pereecilankon fonlaqun bogu Pereeci yi ;
Jeeralankon fonlaqun bogu Jeera yi.
21 Pereeci ren yugun filli faayi :
Heceroonilankon fonlaqun bogu Hecerooni yi ;
Hamuulilankon fonlaqun bogu Hamuuli yi.
22 Ku ya ni Yehuudakaarankon fonlaqun ŋa, i yirigeyen jaaten ni tanɲere do wujunu tunmi do kamo karagi yugo (76 500).
[Yisaxaarikaaranko]
23 Yisaxaarikaarankon fonlaqun faayi :
Toolalankon fonlaqun bogu Toola yi ;
Puwalankon fonlaqun bogu Puwa yi ;
24 Yasuubulankon fonlaqun bogu Yasuubu yi ;
Simeroonilankon fonlaqun bogu Simerooni yi.
25 Ku ya ni Yisaxaarikaarankon fonlaqun ŋa : i yirigeyen jaaten ni tandume do wujunu naxati, a do kamo sikki yugo (64 300).
[Jebuluunukaaranko]
26 Jebuluunukaarankon fonlaqun faayi :
Seredelankon fonlaqun bogu Serede ya yi ;
Yeloonalankon fonlaqun bogu Yeloona yi ;
Yahaleelilankon fonlaqun bogu Yahaleeli yi.
27 Ku ya ni Jebuluunukaarankon fonlaqun ŋa, i yirigeyen jaaten ni tandume wujune, a do kamo karagi yugo (60 500).
[Manaasekaaranko]
28 Yuusufu renmun fonlaqu : kun ni Manaasekaarankon do Hefarayimukaarankon ya : 29 Manaasekaarankon fonlaqun bogu Manaase ya yi. Manaase renmen ya ni Maxiiri yi. Maxiirilankon fonlaqun bogu ken Maxiiri ya yi. Ken Maxiiri ya n da Gilaadi saara. Gilaadilankon fonlaqun bogu ken ya yi. 30 Ayiwa Gilaadilankon fonlaqun faayi :
Yesaarilanko fonlaqun bogu Yesaari yi ;
Heleexilankon fonlaqun bogu Heleexi yi ;
31 Hasireelilankon fonlaqun bogu Hasireeli yi ;
Sixemulankon fonlaqun bogu Sixemu yi ;
32 Semiidalankon fonlaqun bogu Semiida yi ;
Heferelankon fonlaqun bogu Hefere yi.
33 Hefere renme be toxon ga ni Selofaadi, ken ma ren yugo kita, ren yaxarun ya n kite. I toxonun faayi : Mahala, Noowa, Haagila, Milika, a do Tirica. Ren yaxaru karagi. 34 Ku ya ni Manaasekaarankon fonlaqun ŋa, i yirigeyen jaaten ni tankarage do wujunu filli, a do kamo ɲeri yugo (52 700).
[Hefarayimukaaranko]
35 Hefarayimukaarankon bogu Hefarayimu yi, Hefarayimukaarankon fonlaqun faayi :
Suteelalankon fonlaqun bogu Suteela ya yi ;
Bexerelankon fonlaqun bogu Bexere yi ;
Tahanalankon fonlaqun bogu Tahana yi.
36 Suteelalanko ku fonlaqun ya faayi ku :
Heraanalankon fonlaqun bogu Heraana ya yi.
37 Ku ya ni Hefarayimukaarankon fonlaqun ŋa, i yirigeyen jaaten ni tanjikke do wujunu filli, a do kamo karagi yugo (32 500). Ku ya ni Yuusufu soxoodin ŋa, i fonlaqun jaatu.
[Beniyamiinakaaranko]
38 Beniyamiinakaarankon fonlaqun faayi :
Beelalankon fonlaqun bogu Beela ya yi ;
Sebeelilankon fonlaqun bogu Sebeeli yi ;
Hayiraamalankon fonlaqun bogu Hayiraama yi ;
39 Sufaamulankon fonlaqun bogu Sufaamu yi ;
Hufaamulankon fonlaqun bogu Hufaamu yi.
40 Beela renmun ni Hereedi, a do Naama.
Hereedilankon fonlaqun bogu ken Hereedi ya yi ;
Naamalankon fonlaqun bogu Naama yi.
41 Ku ya ni Beniyamiinakaarankon fonlaqun jaaten ŋa, i yirigeye jaaten ni tannaxate do wujunu karagi, a do kamo tunmi yugo (45 600).
[Daanikaaranko]
42 Daanikaarankon fonlaqun jaaten faayi :
Suhaamalankon fonlaqun bogu Suhaama ya yi.
Kun ni Daanikaarankon fonlaqun ya. 43 Suhaamalankon fonlaqun danmon su, i yirigeyen jaaten ni, tandume do wujunu naxati, a do kamo naxati (64 400) yugo.
[Haseerikaaranko]
44 Haseerikaarankon fonlaqun faayi :
Yimunalankon fonlaqun bogu Yimuna ya yi ;
Hisibilankon fonlaqun bogu Hisibi yi ;
Beeriyalankon fonlaqun bogu Beeriya yi.
45 Beeriyalanko ku kuŋa,
Hebeeri bogu i ya yi, kun ni Hebeerilankon fonlaqun ya ;
Maalikiyelilankon fonlaqun bogu Maalikiyeli yi.
46 Ren yaxare xa wa Haseeri maxa, ken toxon ni Seera. 47 Ku kundu ya ni Haseerikaarankon fonlaqun ŋa, i yirigeyen jaaten ni tankarage do wujunu sikki, a do kamo naxati yugo (53 400).
[Nafutaalikaaranko]
48 Nafutaalikaarankon fonlaqun faayi :
Haceelilankon fonlaqun bogu Haceeli ya yi ;
Guunilankon fonlaqun bogu Guuni yi ;
49 Yeceerilankon fonlaqun bogu Yeceeri yi ;
Sileemulankon fonlaqun bogu Sileemu yi.
50 Ku kundu ya ni Nafutaalikaarankon fonlaqun ŋa, i yirigeyen jaaten ni tannaxate do wujunu karagi, a do kamo naxati yugo (45 400).
51 Ku kundu ya ni Banisirayilaganko yirigeyun jaaten ŋa, kamo tunmi wujune, a do wujunu baane do kamo ɲeri, a do tanjikke yugo (601 730).
52 Ku dangi falle Tunka Duumanten daali Muusa da nan ti : 53 « Ɲiiɲe ke taxandini ku toxonu jaatun ya naxan ŋa faabanxaye yi. 54 Seri gabun taqen wa gaboono, seri lamaanun taqen wa lamaanono. Sere su ga yirige jama ke yi, a su wa i taqen kitta. 55 Ɲiiɲe ke n xawa taxandini ti sokkun ya yi. Taqun bakka ti faabankaanun seranjaatun toxonun ya yi. 56 Sokkun ya n wutiini na a taxandi i naxa ti jaman jaaten gaboyen do a lamaanoyen ŋa. »
57 Leewikaarankon xa fonlaqun jaaten faayi ke kundu :
Geresoonilankon fonlaqun bogu Geresooni ya yi ;
Xehaatilankon fonlaqun bogu Xehaati yi ;
Meraarilankon fonlaqun bogu Meraari yi.
58 Kun Leewikaarankon fonlaqun ya faayi ku yi harisa :
Libinilankon fonlaqu,
Heburoonalankon fonlaqu,
Mahalilankon fonlaqu,
Muusilankon fonlaqu,
a do Xaaruunalankon fonlaqu.
Xehaati ya n da Hamuraamu saara. 59 Ke Hamuraamu yaqen toxon ni Yoxibeedi, Leewi ren yaxaren ya ni, a ma da a saara Leewi danŋa Misira ya yi. A da Haaruna do Muusa do i gidanyaxare Mariyaamu saara Hamuraamu da. 60 Haaruna da Nadaabu do Habiiyu do Lajaari saara, a do Yittimaara. 61 Xa Habiiyu do Nadaabu, kun ga da yinbi sagatanten tinkondi Tunka Duumanten jon me naxa koota yogo, i kara.* 62 Leewikaaranko beenu haqun ga yirige, i ɲa tanpille do wujunu sikki yugo (23 000). Ken ni yugon su kafumanten ya, na a wutu xaso renme segene. Ikun ma yirige kafiini Banisirayilaganko yi ; faabanxaye ma kini ikun ŋa kafiini Banisirayilaganko yi.
63 Muusa do sadaxakiɲandaana Lajaari da ku ya yiriga, bire i ga da Banisirayilaganko yiriga Mowaaba ɲiiɲanbaayanmen ŋa Yaradefanŋe waxen ŋa Yeriiho yi. 64 Muusa do Haaruna do sadaxakiɲandaana Lajaari ga ɲi Banisirayilaganko yirigana Tuurisiina gunjuran ŋa bire be* ku seri yiriganto du baananbe su ma ɲi kafiini i ya. 65 Baawo Tunka Duumanten da a koni i danŋa nan ti : « I kalla do gunjura ke ya yi. »* Sere baane ma toxo, a ga feti Yefunne renme Kaalebu, a do Nuunu renme Yuusawu.