Jaatu 7

[Xirisun sadaxo]

Koota be Muusa ga duguta allanbatika yiranman sigindinden ŋa, a da a daari, na a sugandi kafiini a yokken su yi, na sadaxindinoqun do i yokken su daari, na i sugandi. 2 Ken falle Banisirayilaganko faabankan xirisun da allankuyen dabari. Ikun ya ni i xabiilan yinmankon ŋa, i siginton gaa ti jaatanden ŋa. 3 I da i allankuyun riiti Tunka Duumanten jon me naxa : wotoro biirinto tunmi, a do gunbunu tanmi do fillo, yinmanko filli su da wotoro bagandi. Baane su da gunbo bagandi. I da i sigindi allanbatika yiranman teŋon ŋa.

4 Tunka Duumanten daali Muusa da : 5 « Allankuyu ku raga, kun ɲaana genmanlenmaaxuntilliisen gollen dabarinden ya, an na a kini Leewikaarankon ŋa, baane su gollen gaa haqe be. »

6 Muusa da gunbunu ku do wotoronu ku raga kuŋa, na i kini Leewikaarankon ŋa. 7 Wotoronun filli do gunbunun naxati, a da kun kini Geresoonilankon ŋa, i gollen haqe. 8 Wotoronun naxati do gunbunun segi, a da kun kini Meraarilankon ŋa, i gollen haqe. I gollen xibaaren na Yittimaara ya maxa, sadaxakiɲandaana renme ke. 9 Xa a ma fo kini Xehaatilankon fonlaqen ŋa, baawo ikun gollen ni na yokki sennun ya tiŋa i kunkun ŋa.

10 Koota be i ga da sadaxindinoqu ke daari, yinmanko ku da allankuyun bagandi, na a xerexere Alla da. I da allankuyu ku wara sadaxakiɲandinoqun teŋon ŋa. 11 Tunka Duumanten daali Muusa da kuŋa : « Yinmanko ku, koota su i du baananbe do i allankuyen na ri sadaxindinoqu ke xerexerenden ɲaxan ŋa. »

12 Sere be ga da i allankuyen bagandi koota fanan ŋa, ken ni Hamidaabu renme Nahasoona ya, Yehuudakaaranken ya ni. 13 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 14 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 15 ken do gunbunlenme, a do jaxandigi baane, a do siinibaananjaxandige, kun ni ya ; 16 sugundigi baane, ken ni futuxiyinsadaxan ya, 17 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Hamidaabu renme Nahasoona allankuyun ŋa.

18 Sere be ga da i allankuyen bagandi bita fillandin ŋa, ken ni Suwaara renme Nataneeli ya. 19 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 20 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 21 ken do gunbunlenme, a do jaxandigi baane, siine renme, kun ni sadaxa xuruminten ya ; 22 sugundigi baane, ken ni futuxiyinsadaxan ya, 23 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Suwaara renme Nataneeli sadaxon ŋa.

24 Sere be ga da i allankuyen bagandi bita sikkandin ŋa ken ni Jebuluunukaarankon yinmanken ya, ken ga ni Heloona renme Heliyaabu 25 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 26 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 27 ken do gunbunlenme, a do jaxandigi baane, siine renme, kun ni sadaxa xuruminten ya ; 28 sugundigi baane, ken ni futuxiyinsadaxan ya, 29 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Heloona renme Heliyaabu sadaxon ŋa.

30 Sere be ga da i allankuyen bagandi bita naxatandin ŋa ken ni Rubeenikaarankon yinmanken ya, ken ga ni Seduura renme Licuura. 31 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 32 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 33 ken do gunbunlenme, a do jaxandigi baane, siine renme, kun ni sadaxa xuruminten ya ; 34 sugundigi baane, ken ni futuxiyinsadaxan ya, 35 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Seduura renme Licuura sadaxon ŋa.

36 Sere be ga da i allankuyen bagandi bita karangankin ŋa ken ni Simoonakaarankon yinmanken ya, ken ga ni Surisaada renme Selumeeli. 37 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 38 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 39 ken do gunbunlenme, a do jaxandigi baane, siine renme, kun ni ya ; 40 sugundigi baane, ken ni futuxiyinsadaxan ya, 41 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Surisaada renme Selumeeli sadaxon ŋa.

42 Sere be ga da i allankuyen bagandi bita tunmundin ŋa ken ni Gaadikaarankon yinmanken ya, ken ga ni Duweeli renme Yelisaafu. 43 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 44 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 45 ken do gunbunlenme, a do jaxandigi baane, siine renme, kun ni sadaxa xuruminten ya ; 46 sugundigi baane, ken ni futuxiyinsadaxan ya, 47 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Duweeli renme Yelisaafu sadaxon ŋa.

48 Sere be ga da i allankuyen bagandi bita ɲerundin ŋa, ken ni Hefarayimukaarankon yinmanken ya, ken ga ni Mihuuda renme Yelisaama yi. 49 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 50 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 51 ken do gunbunlenme, a do jaxandigi baane, siine renme, kun ni sadaxa xuruminten ya ; 52 sugundigi baane, ken ni futuxiyinsadaxan ya, 53 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Mihuuda renme Yelisaama sadaxon ŋa.

54 Sere be ga da i allankuyen bagandi bita segunden ŋa, ken ni Manaasekaarankon yinmanken ya, ken ga ni Pedacuura renme Gamaleeli yi. 55 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 56 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 57 ken do gunbunlenme, a do jaxandigi baane, siine renme, kun ni sadaxa xuruminten ya ; 58 sugundigi baane, ken ni futuxiyinsadaxan ya, 59 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Pedacuura renme Gamaleeli sadaxon ŋa.

60 Sere be ga da i allankuyen bagandi bita kabundin ŋa, ken ni Beniyamiinakaarankon yinmanken ya, ken ga ni Gidooni renme Habidaana yi. 61 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 62 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 63 ken do gunbunlenme, a do jaxandigi baane, siine renme, kun ni sadaxa xuruminten ya ; 64 sugundigi baane, ken ni futuxiyinsadaxan ya, 65 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Gidooni renme Habidaana sadaxon ŋa.

66 Sere be ga da i allankuyen bagandi bita tanmunden ŋa, ken ni Daanikaarankon yinmanken ya, ken ga ni Hamisadaayi renme Hejeeri yi. 67 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 68 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 69 ken do gunbunlenme, a do jaxandigi baane, siine renme, kun ni sadaxa xuruminten ya ; 70 sugundigi baane, ken ni futuxiyinsadaxan ya, 71 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Hamisadaayi renme Hejeeri sadaxon ŋa.

72 Sere be ga da i allankuyen bagandi bita tanmu do baananden ŋa, ken ni Haseerikaarankon yinmanken ya, ken ga ni Haxaraana renme Pagiyeli yi. 73 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 74 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 75 ken do gunbunlenme, a do jaxandigi baane, siine renme, kun ni ya ; 76 sugundigi baane, ken ni futuxiyinsadaxan ya, 77 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Haxaraana renme Pagiyeli sadaxon ŋa.

78 Sere be ga da i allankuyen bagandi bita tanmu do fillanden ŋa, ken ni Nafutaalikaarankon yinmanken ya, ken ga ni Yenaana renme Hiira yi. 79 A allankuyen ɲa xaalisixullinwaati baane, a jaaten wa genme tanɲere do godoxullu karagi, ken do xaalisixullinbeelu baane, a jaaten wa genme tannaxate godoxulle, i filli su jaate tilliisi sennen godoxullen xiiman ya yi, baane su fakkan ya ni yillijura mullen ŋa, a xootinte ti ten ŋa, ken ni soxofonsadaxan ya ; 80 kanŋen gubu baane, a jaaten wa tanpille do menqallu kabi, a fakkan wa timiliŋen ŋa ; 81 ken do gunbunlenme, a do jaxandigi baane, siine renme, kun ni sadaxa xuruminten ya ; 82 sugundigi baane, ken ni futuxiyinsadaxan ya, 83 ken do allatiigeyinsadaxa : gunbunu filli, jaxandigu karagi, sugundigu karagi, a do jaxandiginlenmu karagi, siinibaananlenmu. Ku ya ni Yenaana renme Hiira sadaxon ŋa.

84 Ku ya n ɲa sadaxindinoqun xerexerenden allankuyun ŋa gilli Banisirayilaganko yinmankon ŋa koota be a ga daari : xaalisixullinwaatu tanmi do fillo, xaalisixullinbeelunu tanmi do fillo, a do kangubu tanmi do fillo. 85 Waati baane su jaaten wa genme tanɲere do godoxullu karagi. Beelu baane su jaaten wa genme tannaxate godoxulle. Yokku ku xaalisixullen jaaten su wa genme wujune do komo sikki do tansege godoxulle, tilliisi sennen xaalisixullen xiiman ŋa. 86 Kangubu ku tanmi do fillon be fakkon ga ni timiliŋen ŋa, baane su jaaten wa genme tanpille do menqallu kabi, tilliisi sennen menqallen xiiman ŋa. Gubu ku kanŋen kafumanten jaate ni kamo sikki a do tannaxate do menqallu karagi. 87 Daaba be haqen ga ɲa sadaxa xuruminten ŋa, ken gemu gunbunlenmu tanmi do fillo, jaxandigu tanmi do fillo, jaxandiginlenmu tanmi do fillo, siinibaananlenmu, i do soxofonsadaxa, a do sugundigu tanmi do fillo, futuxiyinsadaxa. 88 Allatiigeyinsadaxa ke daaban su kafumanten ni tanpille do gunbunu naxati, tandume jaxandige, tandume sugundige, a do tandume jaxandiginlenme, siinibaananlenmu. Ku ya ni sadaxindinoqun xerexerenden allankuyun ŋa, a daari falle.

89 Bire su Muusa ga na ro genmanlenmaaxuntilliisen ŋa kuudo na Tunka Duumanten diganlenmaaxu, a na sefexannen mugu gilli xeribunun filli me naxan ya yi, kun ga ni maliikansawuron ŋa, i gaa bipaaden kanma.