2 PETROS
Pahati Pasal Sulat itu
Bay tasulat sulat itu eꞌ si Petros, mulid si Isa min mulidna kasangpūꞌ maka duwa. Bay pabeyaꞌna sulatna ni saga Almasihin ya apulak-palit ma kalahat-lahatan. Ya minohot eꞌ si Petros ma deyom sulat karuwana itu subay sināꞌ saga guru putingan maka panduꞌ bengkok ya pamanduꞌ eꞌ sigām. Bang ma panduꞌ sigām si Isa Al-Masi mbal na pabīng ni dunya, angkan saga jamaꞌana subay hal maglami-lami maka maghāp palasahan di-sigām.
Sinōꞌ saga Almasihin inān eꞌ si Petros subay amalut pahogot ma bay pamataꞌu sigām pasal Tuhan maka Panghūꞌ Isa Al-Masi. Sabab in lapal inān bay pinasampay ni sigām eꞌ saga aꞌa bay anganyataꞌ baran Panghūꞌ Isa sampay akale ma suwalana. Bang ma pamanduꞌ si Petros, angkan halam makasaunuꞌ Panghūꞌ Isa pabīng piꞌitu sabab angiman giꞌ Tuhan ma manusiyaꞌ kamemon minsan dusahan, “sabab mbal bilahi minsan laꞌa hal dakayuꞌ manusiyaꞌ amutawan min iya ni deyom nalkaꞌ.”