1 YAHIYA
Pahati pasal sulat itu
Si Yahiya itu bay dakayuꞌ mulid si Isa Al-Masi min kasangpūꞌ maka duwa, ya sinōꞌ magnasihat lapalna. Atoꞌa na si Yahiya ma waktu kapanulatna tꞌllu sulat itu.
Ya sulat si Yahiya dahū itu bay pinasampay ni kamemon aꞌa magpangandol ma si Isa ma kalahat-lahatan. Aheka aꞌa ma masa inaꞌan bay magpanduꞌ kaputingan. Yuk sigām kaseheꞌ in si Isa nggaꞌi ka Anak Tuhan, hal manusiyaꞌ konoꞌ. Yuk kaseheꞌan isab in Anak Tuhan halam bay magpabaran manusiyaꞌ, hal bay magpasalupa piꞌitu. Aniyaꞌ isab pamanduꞌ sigām saddī.
Pinasawa eꞌ si Yahiya ma sulat itu in si Isa bꞌnnal Anak Tuhan maka bꞌnnal isab iya manusiyaꞌ. Binandaꞌan isab saga jamaꞌa si Isa, sinōꞌ sigām angandongdong toꞌongan bang aniyaꞌ panduꞌ takale eꞌ sigām, magsaliꞌ maka bay panduꞌ min si Isa Al-Masi atawa mbal. Jari bang panduꞌ nggaꞌi ka bꞌnnal subay tinangkisan.
Pinasawa maitu pasal saga aꞌa angandol ma si Isa Al-Masi sampay alasa ma Tuhan Mmaꞌna: subay sigām alasa isab ma pagkahi sigām manusiyaꞌ.