PILIMUN
Pahati pasal sulat itu
Si Pilimun itu Almasihin bay min lahat Kolossa. Aꞌa balkanan iya tabowa angandol ma si Isa sabab pagnasihat si Paul ya takalena. Magbagay asal iya maka si Paul sangay min waktu kapangandolna ma si Isa.
Aniyaꞌ ma si Pilimun dakayuꞌ banyagaꞌ niōnan si Onesimus. Jari si Onesimus itu bay alahi min lumaꞌ nakuraꞌna ni daꞌira Rōm, ati mainaꞌan iya makapagbāk maka si Paul. Pinanduꞌan iya eꞌ si Paul lapal ahāp pasal si Isa Al-Masi angkan iya angandol na. Manjari tinabangan eꞌna si Paul mahēꞌ ma deyom kalabusu.
Na, pagka magkahagad na si Onesimus ma si Isa, wajib iya subay pabīng ni nakuraꞌna, ya bay palahianna heꞌ. Sagōꞌ aniyaꞌ saraꞌ ma masa inaꞌan-i, bang aniyaꞌ banyagaꞌ gantaꞌ alahi min nakuraꞌna, subay bininasa toꞌongan. Ya itu poꞌonna angkan si Paul amabeyaꞌ sulat itu ni si Pilimun, sinōꞌ angampun si Onesimus bang pabīng na ni pangꞌntananna. Sinohoꞌ si Pilimun anaimaꞌ si Onesimus buwat danakanna lahasiyaꞌ, sabab angandol na sigā saliꞌ-saliꞌ ma si Isa Al-Masi. Si Onesimus ya amowa sulat itu pinasampay ni nakuraꞌna.