2 TESSALONEKA
Pahati pasal sulat itu
Asasaw saga Almasihin ma daꞌira Tessaloneka sabab asāꞌ pamikil sigām pasal kabalik si Isa Al-Masi min sulgaꞌ ni dunya. Yuk kaseheꞌan bay na iya pabalik. Angkan pinabeyaꞌ eꞌ si Paul sulat karuwana itu, boꞌ hakaꞌanna sigām subay aniyaꞌ dakayuꞌ aꞌa mamarahi laꞌatna patuwaꞌ dahū boꞌ yampa pabalik Panghūꞌ Isa. Manjari saga aꞌa mbal magkahagad ma si Isa subay tabowa maghinang kalaꞌatan eꞌ aꞌa mamarahi laꞌatna inān. Jari paruhun na paꞌin saga dusa ma deyom dunya.
Pinituwahan eꞌ si Paul saga bebeyaꞌan si Isa, sinōꞌ mbal lisuꞌan. Sinōꞌ sigām magusaha supaya aniyaꞌ napaka sigām, maka sinōꞌ isab anabang pagkahi sigām. Bay sigām sohoꞌna amahogot pangandol sigām tudju ni si Isa minsan makalabay kabinasahan, sabab nijagahan du sigām eꞌ Tuhan, maka tinungbasan eꞌna laꞌat sasuku aminasa sigām.