1 TIMUTI
Pahati pasal sulat itu
Si Timuti ya pinabeyaꞌan sulat itu eꞌ si Paul, dakayuꞌ lꞌlla abataꞌ bay min Listara, daꞌira mahēꞌ ma Asiya Dikiꞌ. Inaꞌ si Timuti itu bangsa Yahudi, niōnan si Yunis. Mmaꞌna bangsa Girīk.
Ma lꞌngngan si Paul karuwana magnasihat pehēꞌ ni kalahat-lahatan, bay iya pabalik ni daꞌira Listara ati binowa eꞌna si Timuti paneheꞌ. Kasulutan si Paul ma addat-tabiꞌatna, angkan iya tahinang saliꞌ anakna. Atꞌggol pameyaꞌ si Timuti ma si Paul, maka aheka isab bay taꞌanadna min iya. Jari aniyaꞌ waktu paneheꞌ si Paul ma si Timuti pabba ma Epesos angahatul ma saga Almasihin mahēꞌ, sampay ma saga kauman ma jadjahan eꞌ.
Pagtꞌkka si Paul ni Makidunya, pinabeyaꞌ eꞌna sulat itu ni si Timuti pamatꞌttog atayna, supaya iya atukid amanduꞌ panduꞌ bꞌnnal bay min si Isa Al-Masi. Sinōꞌ eꞌna nilāng ma si Timuti saga guru magpanduꞌ nggaꞌi ka bꞌnnal. Sinōꞌ iya ameneꞌ saga aꞌa ahāp, pinatꞌnnaꞌ magnakuraꞌan saga jamaꞌa si Isa. Pinituwahan isab si Timuti subay ahalliꞌ ma ai-ai hinangna, maka mbal subay aloman magpanduꞌ ma kaseheꞌanna, minsan iya abataꞌ lagiꞌ.