GALATIYA
Pahati pasal sulat itu
Bay angalatag kalahat-lahatan si Paul magnasihat lapal ahāp pasal si Isa Al-Masi. Taꞌabut paꞌin lꞌngnganna kaminduwana, bay iya paꞌabut ni lahat Galatiya, ya bahagiꞌ lahat Asiya Dikiꞌ. Aheka daꞌira maka kalumaꞌan bay taꞌabut eꞌ si Paul ma sakalibut lahat Galatiya heꞌ, ati pinagnasihatan saga aꞌa inān pasal kamatay si Isa Al-Masi pamapuwas dusa sigām. Jari aheka isāb bay magkahagad sampay angandol ma si Isa. Makalikut paꞌin si Paul min Galatiya, aniyaꞌ bay pehēꞌ saga aꞌa saddī magpanduꞌ in aꞌa magpangandol ma si Isa subay amogbog panohoꞌan-saraꞌ ya bay tasulat eꞌ si Musa, boꞌ supaya sigām tantu pinaghāp maka Tuhan. Minnēꞌ asasaw pikilan saga bebeyaꞌan si Isa ma lahat Galatiya heꞌ.
Kahakaꞌan paꞌin si Paul pasal pamanduꞌ saga aꞌa tꞌkka bahaꞌu itu, magtūy pabeyaꞌna sulat itu ni aꞌa Galatiya. Pinapastiꞌ eꞌ si Paul ma sulat itu nggaꞌi ka saraꞌ si Musa ya makalappas sigām min hukuman sagōꞌ pangandol sigām ma si Isa.
Nihaka isāb ma sulat itu pasal kaul-piꞌil ya patut minohot eꞌ saga Almasihin.